haq-kesh ki fariyaad

tahsīn ke tālib nahīñ ausāf-e-ḳhudā-dād

āfāq hilā detī hai haq-kesh kī fariyād

ābād kahāñ halqa-e-sherī kī fazā meñ

but-ḳhāna-e-mānī ki sanam-e-ḳhāna-e-bahzād

miT jā.egā aivān-e-tafāḳhur kā takalluf

yak shola-e-javvāla hai āh-e-dil-e-nāshād

zarġhām hai rubāh ke zarrīn qafas meñ

āzād haiñ pāband giraftār haiñ āzād

ġhāzī ne kahā luuT lo but-ḳhāna-e-daulat

suufī ne kahā chhoḌ do ishrat gah-e-shaddād

tezāb-e-siyāsat meñ ḳhudī jis kī huī ġharq

vo kāġhzī lo.bat bane kyā paikar-e-faulād

hājāt ke but-ḳhāna-e-tazvīr hazāroñ

bandoñ ne tire naam pe kar Daale haiñ ījād

luT jaatā hai har gaam pe ismat kā ḳhazāna

dilkash bahut hai maanā ki har raqs-e-parī-zād

jamhūr kī tahzīb se iḳhlās hai ma.adūm

imroz na.ī nasl ko allāh nahīñ yaad

jamhūr kī barakat se hue aadmī nañge

science ne sau fitna-e-mahshar kiye ījād

tahsin ke talib nahin ausaf-e-KHuda-dad

aafaq hila deti hai haq-kesh ki fariyaad

aabaad kahan halqa-e-sheri ki faza mein

but-KHana-e-mani ki sanam-e-KHana-e-bahzad

miT jaega aiwan-e-tafaKHur ka takalluf

yak shola-e-jawwala hai aah-e-dil-e-nashad

zargham hai rubah ke zarrin qafas mein

aazad hain paband giraftar hain aazad

ghazi ne kaha luT lo but-KHana-e-daulat

sufi ne kaha chhoD do ishrat gah-e-shaddad

tezab-e-siyasat mein KHudi jis ki hui gharq

wo kaghzi lobat bane kya paikar-e-faulad

hajat ke but-KHana-e-tazwir hazaron

bandon ne tere nam pe kar Dale hain ijad

luT jata hai har gam pe ismat ka KHazana

dilkash bahut hai mana ki har raqs-e-pari-zad

jamhur ki tahzib se iKHlas hai madum

imroz nai nasl ko allah nahin yaad

jamhur ki barakat se hue aadmi nange

science ne sau fitna-e-mahshar kiye ijad