haram mein

sarāb-e-jāñ ko jahāñ kī chamak samajhte rahe

rahā vo ruuh meñ ham jism tak samajhte rahe

patā chalā ki vo ḳhāk-e-haram kī ḳhushbū thī

ki jis ko sajde meñ gul kī mahak samajhte rahe

ajab thī kaifiyyat-e-jāñ tavāf ke daurāñ

ham apne aap ko rashk-e-malak samajhte rahe

ḳhudā ko DhūñDne kā kab hameñ ḳhayāl aayā

ham apnī zaat ko us kī jhalak samajhte rahe

hasīn vaqt guzārā ḳhudā ke ghar meñ 'adīl'

zamīñ thī zer-e-qadam ham falak samajhte rahe

sarab-e-jaan ko jahan ki chamak samajhte rahe

raha wo ruh mein hum jism tak samajhte rahe

pata chala ki wo KHak-e-haram ki KHushbu thi

ki jis ko sajde mein gul ki mahak samajhte rahe

ajab thi kaifiyyat-e-jaan tawaf ke dauran

hum apne aap ko rashk-e-malak samajhte rahe

KHuda ko DhunDne ka kab hamein KHayal aaya

hum apni zat ko us ki jhalak samajhte rahe

hasin waqt guzara KHuda ke ghar mein 'adil'

zamin thi zer-e-qadam hum falak samajhte rahe