dorahe

kab talak ḳhvāboñ se dhoka khāogī

kab talak schōl ke bachchoñ se dil bahlāogī

kab talak munnā se shādī ke karogī tazkire

ḳhvāhishoñ kī aag meñ jaltī rahogī kab talak

chhuTTiyoñ meñ kab talak har saal dillī jāogī

kab talak shādī ke har paiġhām ko Thukrāogī

chaa.e meñ paḌtā rahegā aur kitne din namak

band kamre meñ paḌhogī aur kitne din ḳhutūt

ye udāsī kab talak

kab talak nazmeñ likhogī

ro.ogī yuuñ raat kī ḳhāmoshiyoñ meñ kab talak

bible meñ kab talak DhūñDogī zaḳhmoñ kā ilaaj

muskurāhaT meñ chhupāogī kahāñ tak apne ġham

kab talak pūchhogī telephone par merā mizāj

faisla kar lo ki kis raste pe chalnā hai tumheñ

merī bāñhoñ meñ simaTnā hai hamesha ke liye

yā hamesha dard ke sho.aloñ meñ jalnā hai tumheñ

kab talak ḳhvāboñ se dhoke khāogī

kab talak KHwabon se dhoka khaogi

kab talak school ke bachchon se dil bahlaogi

kab talak munna se shadi ke karogi tazkire

KHwahishon ki aag mein jalti rahogi kab talak

chhuTTiyon mein kab talak har sal dilli jaogi

kab talak shadi ke har paigham ko Thukraogi

chae mein paDta rahega aur kitne din namak

band kamre mein paDhogi aur kitne din KHutut

ye udasi kab talak

kab talak nazmen likhogi

roogi yun raat ki KHamoshiyon mein kab talak

bible mein kab talak DhunDogi zaKHmon ka ilaj

muskurahaT mein chhupaogi kahan tak apne gham

kab talak puchhogi telephone par mera mizaj

faisla kar lo ki kis raste pe chalna hai tumhein

meri banhon mein simaTna hai hamesha ke liye

ya hamesha dard ke shoalon mein jalna hai tumhein

kab talak KHwabon se dhoke khaogi