hello

kisī ne ye batāyā thā ki bas tum aane vaale ho

bahut achchhā kiyā tum ne

mirā ye bojh kam hogā

tumhārī chand chīzeñ thiiñ

zarā Thahro mujhe kuchh yaad karne do huuñ haañ

vafā kī be-asar qismeñ

mohabbat ke ka.ī da.ave

bahut be-rabt bātoñ ke ka.ī TuuTe hue TukḌe

hañsī kā khokhlā-pan bhī

purāne se ka.ī jhūTe bahānoñ ke zarā kuchh laḌkhaḌāte

Dagmagāte gaḌbaḌāte se sabhī jumle

mire kamre kī almārī yā phir shāyad darāzoñ meñ

kahīñ dekhe to the maiñ ne

yahīñ Thahro

maiñ tum ko lā ke detī huuñ

bahut sāmān bikhrā hai

mirā kuchh bojh kam hogā

kisi ne ye bataya tha ki bas tum aane wale ho

bahut achchha kiya tum ne

mera ye bojh kam hoga

tumhaari chand chizen thin

zara Thahro mujhe kuchh yaad karne do hun han

wafa ki be-asar qismen

mohabbat ke kai dawe

bahut be-rabt baaton ke kai TuTe hue TukDe

hansi ka khokhla-pan bhi

purane se kai jhuTe bahanon ke zara kuchh laDkhaDate

Dagmagate gaDbaDate se sabhi jumle

mere kamre ki almari ya phir shayad daraazon mein

kahin dekhe to the main ne

yahin Thahro

main tum ko la ke deti hun

bahut saman bikhra hai

mera kuchh bojh kam hoga