hidayat

vo patthar dil hai vo kyā dard jaane

kabhī aate nahīñ aañsū bahāne

nahīñ in pe asar hotā hai koī

balā se in kī jo rotā hai koī

bahut āsān in kā rāsta hai

mohabbat se inheñ kyā vāsta hai

hai in kā pyaar jhūTā baat jhūTī

farebī hai ye in kī zaat jhūTī

hai in kā kaam bas dhokā hī denā

nā koī baat in kī dil pe lenā

agar bātoñ meñ in kī aaogī tum

qasam se phir bahut pachhtaogī tum

kabhī aisā na koī kaam karnā

gharāne ko na tum badnām karnā

na rusvā zaat kā tum naam karnā

kabhī izzat ko mat nīlām karnā

ġhalat hāthoñ meñ ḳhud ko sauñpnā mat

koī paudhā ġhalat mat ropnā mat

wo patthar dil hai wo kya dard jaane

kabhi aate nahin aansu bahane

nahin in pe asar hota hai koi

bala se in ki jo rota hai koi

bahut aasan in ka rasta hai

mohabbat se inhen kya wasta hai

hai in ka pyar jhuTa baat jhuTi

farebi hai ye in ki zat jhuTi

hai in ka kaam bas dhoka hi dena

na koi baat in ki dil pe lena

agar baaton mein in ki aaogi tum

qasam se phir bahut pachhtaogi tum

kabhi aisa na koi kaam karna

gharane ko na tum badnam karna

na ruswa zat ka tum nam karna

kabhi izzat ko mat nilam karna

ghalat hathon mein KHud ko saunpna mat

koi paudha ghalat mat ropna mat