hindostani leader

lālchī kitne ḳhushāmad-ḳhor daulat ke ġhulām

ḳhud-ġharaz makkār ibn-ul-vaqt jhūToñ ke imaam

banda-e-hirs-o-havas ġhaddār matlab-āshnā

paise kī ḳhātir vatan ko bechne vaale batā

kyā tujhe ehsās-e-mahkūmī kabhī hotā bhī hai

tū kabhī hindostāñ ke haal par rotā bhī hai

kyā sunī bhī hai kabhī mazdūroñ ke dil kī pukār

kyā kabhī tū ne jhinjhoḌe bāzū-e-sarmāya-dār

kyā kabhī tū bhī vahāñ pahuñchā hai ai zulmat-ma.āb

jagmagātā hai jahāñ ilm-o-amal kā āftāb

tere siine meñ kabhī bhaḌkī bhī hai ibrat kī aag

terī nabzoñ meñ kabhī machlī bhī hai ġhairat kī aag

tere qaul-o-fe.al meñ tāsīr honī chāhiye

ya.anī tere haath meñ shamshīr honī chāhiye

lalchi kitne KHushamad-KHor daulat ke ghulam

KHud-gharaz makkar ibn-ul-waqt jhuTon ke imam

banda-e-hirs-o-hawas ghaddar matlab-ashna

paise ki KHatir watan ko bechne wale bata

kya tujhe ehsas-e-mahkumi kabhi hota bhi hai

tu kabhi hindostan ke haal par rota bhi hai

kya suni bhi hai kabhi mazduron ke dil ki pukar

kya kabhi tu ne jhinjhoDe bazu-e-sarmaya-dar

kya kabhi tu bhi wahan pahuncha hai ai zulmat-maab

jagmagata hai jahan ilm-o-amal ka aaftab

tere sine mein kabhi bhaDki bhi hai ibrat ki aag

teri nabzon mein kabhi machli bhi hai ghairat ki aag

tere qaul-o-feal mein tasir honi chahiye

yani tere hath mein shamshir honi chahiye