hoga yun hi

maiñ tumheñ ek ḳhat likhūñgā

magar use Daak meñ nahīñ Dālūñgā

maiñ banā.ūñgā us kī ek naav

jis pe savār kar ke apnī soch

Thel dūñgā barsāt ke paanī meñ

tumhārī or

tum bhī ek ḳhat likhnā

javābī

magar use Daak meñ mat Daal denā

naav pahuñchne se pahle hī

jab Duub jā.egī

tum tak nahīñ pahuñch pā.egī

merī soch

tum jhujhlānā mujh par

aur ġhusse meñ aa kar

phaaḌ denā us ḳhat ko

jo tum ne abhī nahīñ likhā

main tumhein ek KHat likhunga

magar use Dak mein nahin Dalunga

main banaunga us ki ek naw

jis pe sawar kar ke apni soch

Thel dunga barsat ke pani mein

tumhaari or

tum bhi ek KHat likhna

jawabi

magar use Dak mein mat Dal dena

naw pahunchne se pahle hi

jab Dub jaegi

tum tak nahin pahunch paegi

meri soch

tum jhujhlana mujh par

aur ghusse mein aa kar

phaD dena us KHat ko

jo tum ne abhi nahin likha