aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

holi

MORE BYShatir Hakeemi

    baj rahe haiñ madh-bharī āvāz meñ holī ke saaz

    khiñch ke āñkhoñ meñ na aa jaa.e dil-e-hirmāñ-navāz

    kheltī haiñ rañg aapas meñ kuñvārī laḌkiyāñ

    giit holī ke zabāñ par haath meñ pichkāriyāñ

    nāliyoñ meñ gir rahe haiñ log kar sharāb

    mulk meñ shāyad nahīñ un ke liye koī azaab

    de rahā hai gāliyāñ be-nutq har pīr-o-javāñ

    vaah kyā kahnā tirī tahzīb hindostāñ

    yuuñ jalā.ī rahī haiñ saiñkaḌoñ man lakḌiyāñ

    apne shauhar par satī huuñ jis tarah hinduvāniyāñ

    is tarah lakḌī jalāne se kahīñ chaltā hai kaam

    kis qadar mohmal hai ai society terā nizām

    kuchh ghar aise haiñ jahāñ jalte nahīñ shab ko charāġh

    ġhaur farmāte nahīñ us par magar ahl-e-dimāġh

    lakḌiyāñ chun chun ke laatī haiñ saroñ par būḌhiyāñ

    jhoñpaḌī se tab kahīñ uThtā hai halkā dhuāñ

    tā-ba-kai ye rasm-e-bejā tā-ba-kai ye sufla-pan

    aao kheleñ ḳhuun holī javānān-e-vatan

    baj rahe hain madh-bhari aawaz mein holi ke saz

    khinch ke aankhon mein na aa jae dil-e-hirman-nawaz

    khelti hain rang aapas mein kunwari laDkiyan

    git holi ke zaban par hath mein pichkariyan

    naliyon mein gir rahe hain log pi pi kar sharab

    mulk mein shayad nahin un ke liye koi azab

    de raha hai galiyan be-nutq har pir-o-jawan

    wah kya kahna teri tahzib ka hindostan

    yun jalai ja rahi hain sainkaDon man lakDiyan

    apne shauhar par sati hun jis tarah hinduwaniyan

    is tarah lakDi jalane se kahin chalta hai kaam

    kis qadar mohmal hai ai society tera nizam

    kuchh ghar aise hain jahan jalte nahin shab ko charagh

    ghaur farmate nahin us par magar ahl-e-dimagh

    lakDiyan chun chun ke lati hain saron par buDhiyan

    jhonpaDi se tab kahin uThta hai halka sa dhuan

    ta-ba-kai ye rasm-e-beja ta-ba-kai ye sufla-pan

    aao khelen KHun ki holi jawanan-e-watan

    Source:

    Maut-o-Hayat (Pg. 120 (e)123 )

    • Author: Shatir Hakeemi
      • Edition: 1938
      • Publisher: Maktaba Ibrahimiya, Hyderabad
      • Year of Publication: 1944

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now