aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

holi

MORE BYNazeer Akbarabadi

    jab aa.ī holī rañg-bharī sau nāz-o-adā se maTak maTak

    aur ghūñghaT ke paT khol diye vo ruup dikhlā chamak chamak

    kuchh mukhḌā kartā damak damak kuchh abran kartā jhalak jhalak

    jab paañv rakhā ḳhush-vaqtī se tab paa.il baajī jhanak jhanak

    kuchh uchhlīñ sunnateñ naaz bharīñ kuchh godeñ aa.iiñ thirak thirak

    ye ruup dikhā kar holī ke jab man rasīle Tuk maTke

    mañgvā.e thaal gulāloñ ke bhar Daale rañgoñ se maTke

    phir saañg bahut tayyār hue aur ThāTh ḳhushī ke jhur maTke

    ġhul shor hue ḳhush-hālī ke aur nāchne gaane ke khaTke

    mirdañgeñ bājeñ taal baje kuchh khanak khanak kuchh dhanak dhanak

    poshāk-e-chhiḌakvāñ se har tayyārī rañgīñ-poshoñ

    aur bhīgī jāgah rañgoñ se kar kunj galī aur kūchoñ

    har jāgah zard libāsoñ se huī zīnat sab āġhoshoñ

    sau aish-o-tarab dhueñ meñ aur mahfil meñ mai-noshoñ

    mai niklī jaam gulābī kuchh lahak lahak kuchh chhalak chhalak

    har chaar taraf ḳhush-vaqtī se daf baaje rañg aur rañg hoī

    kuchh dhūmeñ farhat ishrat kuchh aish ḳhushī ke rañg hue

    dil shaad hue ḳhush-hālī se aur ishrat ke sau Dhañg hue

    ye jhamkī rañgat holī jo dekhne vaale dañg hue

    mahbūb parī-rū bhī nikle kuchh jhijak jhijak kuchh ThiThak ThiThak

    jab ḳhūbāñ aa.e rañg bhare phir kyā kyā holī jhamak uThī

    kuchh husn jhamkeñ naaz bharīñ kuchh shoḳhī naaz adāoñ

    sab chūmne vaale gird dukhḌe nazāra karte hañsī-ḳhushī

    mahbūb nashe key ḳhūbī meñ phir āshiq uupar ghaḌī ghaḌī

    haiñ rañg chhiḌakte surḳhī ke kuchh lapak lapak kuchh jhapak jhapak

    hai dhuum ḳhushī har jānib aur kasrat hai ḳhush-vaqtī

    haiñ charche hote farhat ke aur ishrat bhī dhuum machī

    ḳhūbāñ ke rañgīñ chehroñ par har aan nigāheñ haiñ laḌtī

    mahbūb bhigo.eñ āshiq ko aur āshiq hans kar un ko bhī

    ḳhush ho kar un ko bhigoveñ haiñ kuchh aTak aTak kuchh humak humak

    vo shoḳh rañgīlā jab aayā yaañ holī kar tayyārī

    poshāk sunahrī zeb-e-badan aur haath chamaktī pichkārī

    rañg chhiḌakne se kyā kyā us shoḳh ne har-dam ayyārī

    ham ne bhī 'nazīr' us chanchal ko phir ḳhuub bhigoyā har baarī

    phir kyā kyā rañg bahe us dam kuchh Dhalak Dhalak kuchh chipak chipak

    jab aai holi rang-bhari sau naz-o-ada se maTak maTak

    aur ghunghaT ke paT khol diye wo rup dikhla chamak chamak

    kuchh mukhDa karta damak damak kuchh abran karta jhalak jhalak

    jab panw rakha KHush-waqti se tab pail baji jhanak jhanak

    kuchh uchhlin sunnaten naz bharin kuchh goden aain thirak thirak

    ye rup dikha kar holi ke jab man rasile Tuk maTke

    mangwae thaal gulalon ke bhar Dale rangon se maTke

    phir sang bahut tayyar hue aur ThaTh KHushi ke jhur maTke

    ghul shor hue KHush-haali ke aur nachne gane ke khaTke

    mirdangen bajen tal baje kuchh khanak khanak kuchh dhanak dhanak

    poshak-e-chhiDakwan se har ja tayyari rangin-poshon ki

    aur bhigi jagah rangon se kar kunj gali aur kuchon ki

    har jagah zard libason se hui zinat sab aaghoshon ki

    sau aish-o-tarab ki dhuen mein aur mahfil mein mai-noshon ki

    mai nikli jam gulabi kuchh lahak lahak kuchh chhalak chhalak

    har chaar taraf KHush-waqti se daf baje rang aur rang hoi

    kuchh dhumen farhat ishrat ki kuchh aish KHushi ke rang hue

    dil shad hue KHush-haali se aur ishrat ke sau Dhang hue

    ye jhamki rangat holi ki jo dekhne wale dang hue

    mahbub pari-ru bhi nikle kuchh jhijak jhijak kuchh ThiThak ThiThak

    jab KHuban aae rang bhare phir kya kya holi jhamak uThi

    kuchh husn ki jhamken naz bharin kuchh shoKHi naz adaon ki

    sab chumne wale gird dukhDe nazara karte hansi-KHushi

    mahbub nashe key KHubi mein phir aashiq upar ghaDi ghaDi

    hain rang chhiDakte surKHi ke kuchh lapak lapak kuchh jhapak jhapak

    hai dhum KHushi ki har jaanib aur kasrat hai KHush-waqti ki

    hain charche hote farhat ke aur ishrat ki bhi dhum machi

    KHuban ke rangin chehron par har aan nigahen hain laDti

    mahbub bhigoen aashiq ko aur aashiq hans kar un ko bhi

    KHush ho kar un ko bhigowen hain kuchh aTak aTak kuchh humak humak

    wo shoKH rangila jab aaya yan holi ki kar tayyari

    poshak sunahri zeb-e-badan aur hath chamakti pichkari

    ki rang chhiDakne se kya kya us shoKH ne har-dam ayyari

    hum ne bhi 'nazir' us chanchal ko phir KHub bhigoya har bari

    phir kya kya rang bahe us dam kuchh Dhalak Dhalak kuchh chipak chipak

    Source:

    Kulliyat-e-Nazeer (Pg. 543)

    • Author: Nazeer Akbarabadi
      • Publisher: Munshi Nawal Kishor, Lucknow
      • Year of Publication: 1951

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now