holi

qātil jo merā oḌhe ik surḳh shaal aayā

khā khā ke paan zālim kar hoñTh laal aayā

goyā nikal shafaq se badar-e-kamāl aayā

jab muñh se vo parī-rū mal kar gulāl aayā

ik dam to dekh us ko holī ko haal aayā

aish-o-tarab kā sāmān hai aaj sab ghar us ke

ab to nahīñ hai koī duniyā meñ ham-sar us ke

az-māh-tāb-e-māhī bande haiñ be-zar us ke

kal vaqt-e-shām sūraj malne ko muñh par us ke

rakh kar shafaq ke sar par tasht-e-gulāl aayā

ḳhālis kahīñ se taazī ik za.afrān mañgā kar

mushk-o-gulāb meñ bhī mal kar use basā kar

shīshe meñ bhar ke niklā chupke lagā chhupā kar

muddat se aarzū thī ik dam lagā chukā kar

ik din sanam pe jā kar maiñ rañg Daal aayā

arbāb-e-bazm bhar to vo shaah apne le kar

sab ham-nashīn hasb-e-dil-ḳhvāh apne le kar

chālāk chust kāfir gumrāh apne le kar

das biis gul-ruḳhoñ ko hamrāh apne le kar

yuuñ hiiñ bhigone mujh ko vo ḳhush-jamāl aayā

ishrat kā us ghaḌī thā asbāb sab muhayyā

bahtā thā husn kā bhī us jā pe ek dariyā

hāthoñ meñ dilbaroñ ke sāġhar kisī ke shīsha

kamroñ meñ jholiyoñ meñ seroñ gulāl bāñdhā

aur rañg kī bhī bhar kar mashk-o-pakhāl aayā

aiyyārgī se pahle apne ta.iiñ chhupā kar

chāhā ki maiñ bhī niklūñ un meñ se chhuT-chhuTā kar

dauḌe ka.ī ye kah kar jaatā hai dam churā kar

itne meñ gher mujh ko aur shor-o-ġhul machā kar

us dam kamar kamar tak rañg-o-gulāl aayā

ye chahal to kuchh apnī qismat se mach rahī thī

ye aabrū kī parda hurmat se bach rahī thī

kaisā samāñ thā kaisī shādī sī rach rahī thī

us vaqt mere sar par ik dhuum mach rahī thī

ik dhuum meñ bhī mujh ko jo kuchh ḳhayāl aayā

lāzim na thī ye harakat ai ḳhush-safīr tujh ko

azhar hai sab kahe haiñ mil kar sharīr tujh ko

karte haiñ ab malāmat ḳhurd-o-kabīr tujh ko

lā-haul paḌh ke shaitān bolā 'nazīr' tujh ko

ab holī khelne kā puurā kamāl aayā

qatil jo mera oDhe ek surKH shaal aaya

kha kha ke pan zalim kar honTh lal aaya

goya nikal shafaq se badar-e-kamal aaya

jab munh se wo pari-ru mal kar gulal aaya

ek dam to dekh us ko holi ko haal aaya

aish-o-tarab ka saman hai aaj sab ghar us ke

ab to nahin hai koi duniya mein ham-sar us ke

az-mah-tab-e-mahi bande hain be-zar us ke

kal waqt-e-sham suraj malne ko munh par us ke

rakh kar shafaq ke sar par tasht-e-gulal aaya

KHalis kahin se tazi ek zafran manga kar

mushk-o-gulab mein bhi mal kar use basa kar

shishe mein bhar ke nikla chupke laga chhupa kar

muddat se aarzu thi ek dam laga chuka kar

ek din sanam pe ja kar main rang Dal aaya

arbab-e-bazm bhar to wo shah apne le kar

sab ham-nashin hasb-e-dil-KHwah apne le kar

chaalak chust kafir gumrah apne le kar

das bis gul-ruKHon ko hamrah apne le kar

yun hin bhigone mujh ko wo KHush-jamal aaya

ishrat ka us ghaDi tha asbab sab muhayya

bahta tha husn ka bhi us ja pe ek dariya

hathon mein dilbaron ke saghar kisi ke shisha

kamron mein jholiyon mein seron gulal bandha

aur rang ki bhi bhar kar mashk-o-pakhaal aaya

aiyyargi se pahle apne tain chhupa kar

chaha ki main bhi niklun un mein se chhuT-chhuTa kar

dauDe kai ye kah kar jata hai dam chura kar

itne mein gher mujh ko aur shor-o-ghul macha kar

us dam kamar kamar tak rang-o-gulal aaya

ye chahal to kuchh apni qismat se mach rahi thi

ye aabru ki parda hurmat se bach rahi thi

kaisa saman tha kaisi shadi si rach rahi thi

us waqt mere sar par ek dhum mach rahi thi

ek dhum mein bhi mujh ko jo kuchh KHayal aaya

lazim na thi ye harakat ai KHush-safir tujh ko

azhar hai sab kahe hain mil kar sharir tujh ko

karte hain ab malamat KHurd-o-kabir tujh ko

la-haul paDh ke shaitan bola 'nazir' tujh ko

ab holi khelne ka pura kamal aaya