husn-e-qubul

garaj rahā hai siyah mast piil paikar-e-abr

udaas koh kī choTī pe ek tanhā peḌ

uThā rahā hai sū-e-asmāñ vo tanhā shāḳh

sarak rahī hai abhī jis meñ zindagī kī namī

baḌhā ho jaise kisī be-navā kā bekas haath

hujūm-e-yās meñ ik āḳhirī duā ke liye

baras muhīt-e-karam ek baar aur baras

bas ek baar mujhe aur phuul laane de

taḌap rahā hai abhī mujh meñ sāz-o-barg-e-numū

ye merī kaliyāñ ye patte abhī to zindagī huuñ

utar utar mire dāman pe phuul barsā de

machal ke abr ke pardoñ se be-hijāb aayā

duā-e-nīm-shabī kā magar javāb aayā

sharār-e-barq kā haijān

peḌ taur ba-dast

za-farq tā ba-qadam ek phuul

husn-e-qubūl

garaj raha hai siyah mast pil paikar-e-abr

udas koh ki choTi pe ek tanha peD

uTha raha hai su-e-asman wo tanha shaKH

sarak rahi hai abhi jis mein zindagi ki nami

baDha ho jaise kisi be-nawa ka bekas hath

hujum-e-yas mein ek aaKHiri dua ke liye

baras muhit-e-karam ek bar aur baras

bas ek bar mujhe aur phul lane de

taDap raha hai abhi mujh mein saz-o-barg-e-numu

ye meri kaliyan ye patte abhi to zindagi hun

utar utar mere daman pe phul barsa de

machal ke abr ke pardon se be-hijab aaya

dua-e-nim-shabi ka magar jawab aaya

sharar-e-barq ka haijaan

peD taur ba-dast

za-farq ta ba-qadam ek phul

husn-e-qubul