hypocrite

maiñ ek chhichhlā aadmī huuñ

mere dost bhī merī tarah hī haiñ

shahr kī har aisī vaisī jagah

kabhī na kabhī ham se gulzār rahī hai

ham ne apnā kaafī vaqt

ūl-julūl kāmoñ meñ lagāyā hai

aur duniyā badalne jaise

ūT-paTāñg ḳhvāb dekhe haiñ

aur ab

jab ham par duniyā kā sach khulā hai

ham muñh chhupā.e nazar churā.e

piiTh par aatmā laade

vichār-dhārā le lo

kī āvāz lagāte

galī galī ghuum rahe haiñ

chhichhle paanī meñ

koī baḌī shai Dūbte dekhnā

nāyāb nazārā hotā hai

to

aao aao aao

mujhe mere chhichhle-pan meñ Dūbte dekho

ticket hazār rupa.e maatr

main ek chhichhla aadmi hun

mere dost bhi meri tarah hi hain

shahr ki har aisi waisi jagah

kabhi na kabhi hum se gulzar rahi hai

hum ne apna kafi waqt

ul-julul kaamon mein lagaya hai

aur duniya badalne jaise

uT-paTang KHwab dekhe hain

aur ab

jab hum par duniya ka sach khula hai

hum munh chhupae nazar churae

piTh par aatma lade

wichaar-dhaara le lo

ki aawaz lagate

gali gali ghum rahe hain

chhichhle pani mein

koi baDi shai Dubte dekhna

nayab nazara hota hai

to

aao aao aao

mujhe mere chhichhle-pan mein Dubte dekho

ticket hazar rupae matr