ibham dida

muḳhātib

āsmāñ hai yā zamīñ

mālūm kar lenā

ki donoñ ke liye tashbīb ke

misre alag se haiñ

kahīñ aisā na ho

ki āsmāñ bad-zan

zamīñ nārāz ho jaa.e

qasīde meñ gurez-e-nā-ravā kā

moḌ aa jaa.e

tire sar pe koī ilzām aa.ed ho

ki tū bhī andalīb-e-gulshan-e-nā-āfrīda hai

suḳhan-fahmī tirī gunjalak

bayāñ ib.hām-dīda hai

ye mashvara is liye detā huuñ

jān-e-man

ki gardish meñ ghirā hai āsmāñ

barham tabaq saare

zamīñ bhī apne mahvar se alag chakkar lagātī hai

qasīda soch ke likhnā

kahīñ in.aam o ḳhil.at kī jagah

kaasa na bhar jaa.e

malāmat se

ḳhajālat se

nadāmat se

muKHatib

aasman hai ya zamin

malum kar lena

ki donon ke liye tashbib ke

misre alag se hain

kahin aisa na ho

ki aasman bad-zan

zamin naraaz ho jae

qaside mein gurez-e-na-rawa ka

moD aa jae

tere sar pe koi ilzam aaed ho

ki tu bhi andalib-e-gulshan-e-na-afrida hai

suKHan-fahmi teri gunjalak

bayan ibham-dida hai

ye mashwara is liye deta hun

jaan-e-man

ki gardish mein ghira hai aasman

barham tabaq sare

zamin bhi apne mahwar se alag chakkar lagati hai

qasida soch ke likhna

kahin inam o KHilat ki jagah

kasa na bhar jae

malamat se

KHajalat se

nadamat se