ibn-e-adam

koī jab pūchhtā hai ye

shii.a ho tum yā sunnī ho

vahābī ho ki deobandi

batāo kaun se firqe se nisbat hai

na jaane kyoñ mujhe ik pal

sujhā.ī kuchh nahīñ detā

maiñ gahrī soch meñ tab Duub jaatā huuñ

mire andar se ik āvāz aatī hai

sunā hai tum ne bachpan se

ki tum to ibn-e-ādam ho

to phir sach sach batāo nā

musalmānoñ ke firqe kyā

ki hindū sikh īsā.ī

pārsī tak bhī

jahāñ meñ jitne insāñ haiñ

mire baabā ke beTe haiñ

ye maanā shakl-o-sūrat meñ

zarā se muḳhtalif hoñge

ragoñ meñ dauḌtā hai jo

lahū to ek jaisā hai

sabhī aulād-e-ādam se

ki jis meñ ādamiyat ho

mirī to us se nisbat hai

usī se ḳhuun kā rishta

yahī sach hai

ki jab maiñ ibn-e-ādam huuñ

mirā maz.hab vahī hai jo

mire baabā kā maz.hab hai

koi jab puchhta hai ye

shia ho tum ya sunni ho

wahabi ho ki deobandi

batao kaun se firqe se nisbat hai

na jaane kyon mujhe ek pal

sujhai kuchh nahin deta

main gahri soch mein tab Dub jata hun

mere andar se ek aawaz aati hai

suna hai tum ne bachpan se

ki tum to ibn-e-adam ho

to phir sach sach batao na

musalmanon ke firqe kya

ki hindu sikh isai

parsi tak bhi

jahan mein jitne insan hain

mere baba ke beTe hain

ye mana shakl-o-surat mein

zara se muKHtalif honge

ragon mein dauDta hai jo

lahu to ek jaisa hai

sabhi aulad-e-adam se

ki jis mein aadamiyat ho

meri to us se nisbat hai

usi se KHun ka rishta

yahi sach hai

ki jab main ibn-e-adam hun

mera mazhab wahi hai jo

mere baba ka mazhab hai