ek mukalima

aah ko pūchhā

kahā

merī janāb

ishq ko pūchhā

kahā

mere huzūr

husn ko pūchhā

kahā

partav mirā

be-etinā-o-be-niyāz

rang andhoñ ke liye

sar-basta raaz

maiñ ne pūchhā

kyā hai phir soz-e-jigar

kah diyā

tāsīr-e-kul ā.īna-gar

jab kuredā

ḳhalvat-o-jalvat ke kyā ma.anī hue

raushnī phūTī ki jalvat

merī bazm-e-kā.enāt

bābat-e-ḳhalvat

nishān-e-tūr dekh

rang-o-be-rangī kī maiñ ne

sar jhukā kar baat kī

ek mausam guuñj uThā

do rāste

maiñ ne phir pūchhā

ki achchhā tā-kujā

ek kauñdā sā lapak uThā ki bas

nādān tū itnā na samjhā

mujh talak

maiñ ne jhallā kar

paTaḳhnā chāhā kashkol-e-malāl

larza ik goyā huā

mālūm hai mujh ko tirā aglā savāl

taish mat khā

zaat merī nuur hai

maiñ labālab tujh meñ huuñ

gar mujh se tū māmūr hai

aah ko puchha

kaha

meri janab

ishq ko puchha

kaha

mere huzur

husn ko puchha

kaha

partaw mera

be-etina-o-be-niyaz

rang andhon ke liye

sar-basta raaz

main ne puchha

kya hai phir soz-e-jigar

kah diya

tasir-e-kul aaina-gar

jab kureda

KHalwat-o-jalwat ke kya mani hue

raushni phuTi ki jalwat

meri bazm-e-kaenat

babat-e-KHalwat

nishan-e-tur dekh

rang-o-be-rangi ki main ne

sar jhuka kar baat ki

ek mausam gunj uTha

do raste

main ne phir puchha

ki achchha ta-kuja

ek kaunda sa lapak uTha ki bas

nadan tu itna na samjha

mujh talak

main ne jhalla kar

paTaKHna chaha kashkol-e-malal

larza ek goya hua

malum hai mujh ko tera agla sawal

taish mat kha

zat meri nur hai

main labaalab tujh mein hun

gar mujh se tu mamur hai