ilm

ilm kyā shai hai dosto jaano

ilm kī ahmiyat ko pahchāno

ilm kyā shai hai ek ne.amat hai

ilm kyā shai hai ek daulat hai

ilm kyā shai hai vaj.h azmat hai

ilm kyā shai hai rab kī rahmat hai

kyā haiñ ādāb-e-zindagī bachcho

ham ko jab ilm hī nahīñ hotā

shakl-o-sūrat ke mā-sivā hargiz

aadmī aadmī nahīñ hotā

na harām-o-halāl kī tafrīq

aur na kuchh imtiyāz-e-nek-o-bad

kuchh jo hotā to peT bharnā hī

zindagī kā azīm-tar maqsad

zindagī ke har ek shoba meñ

dosto ilm kī zarūrat hai

saarī duniyā meñ 'murtazā' 'sāhil'

ilm vāloñ kī qadr-o-qīmat hai

ilm kyā shai hai dosto jaano

ilm kī ahmiyyat ko pahchāno

ilm kya shai hai dosto jaano

ilm ki ahmiyat ko pahchano

ilm kya shai hai ek neamat hai

ilm kya shai hai ek daulat hai

ilm kya shai hai wajh azmat hai

ilm kya shai hai rab ki rahmat hai

kya hain aadab-e-zindagi bachcho

hum ko jab ilm hi nahin hota

shakl-o-surat ke ma-siwa hargiz

aadmi aadmi nahin hota

na haram-o-halal ki tafriq

aur na kuchh imtiyaz-e-nek-o-bad

kuchh jo hota to peT bharna hi

zindagi ka azim-tar maqsad

zindagi ke har ek shoba mein

dosto ilm ki zarurat hai

sari duniya mein 'murtaza' 'sahil'

ilm walon ki qadr-o-qimat hai

ilm kya shai hai dosto jaano

ilm ki ahmiyyat ko pahchano