ilm

ilm hai insāñ kī tahzīb-o-tamaddun ke liye

ye nahīñ insānī qadroñ ke talavvun ke liye

ilm hai aapas meñ iḳhlās-o-uḳhuvvat ke liye

ye nahīñ auroñ ke nuqsān-o-halākat ke liye

ilm hai insān kī bahbūd-o-baqā ke vāste

ye nahīñ insāniyat kī ibtilā ke vāste

ilm hai insān kī ḳhud-āgahī ke vāste

aur insānoñ meñ bhā.ī-chārgī ke vāste

ilm se raushan-ḳhayālī aatī hai insān meñ

puḳhtagī aḳhlāq meñ to tāzgī īmān meñ

ilm baḌhtā hai koī us ko ghaTā saktā nahīñ

ye vo daulat hai jise koī churā saktā nahīñ

ilm ko phailā.iye achchhe maqāsid ke liye

taaki duniyā kī taraqqī kā nishāna baḌh sake

ilm chaḌhtā āftāb aur ilm hai bād-e-murād

ilm zindabād is kī āgahī pā.inda-bād

ilm hai insan ki tahzib-o-tamaddun ke liye

ye nahin insani qadron ke talawwun ke liye

ilm hai aapas mein iKHlas-o-uKHuwwat ke liye

ye nahin auron ke nuqsan-o-halakat ke liye

ilm hai insan ki bahbud-o-baqa ke waste

ye nahin insaniyat ki ibtila ke waste

ilm hai insan ki KHud-agahi ke waste

aur insanon mein bhai-chaargi ke waste

ilm se raushan-KHayali aati hai insan mein

puKHtagi aKHlaq mein to tazgi iman mein

ilm baDhta hai koi us ko ghaTa sakta nahin

ye wo daulat hai jise koi chura sakta nahin

ilm ko phailaiye achchhe maqasid ke liye

taki duniya ki taraqqi ka nishana baDh sake

ilm chaDhta aaftab aur ilm hai baad-e-murad

ilm zindabaad is ki aagahi painda-baad