iltija-e-musafir

na itnā tez chalo ki thak jaao

na itnā ruk ruk ke chalo ki jam jaao

na kholo lab yuuñ bhī

na in ko itnā band karo

ki jin par na shabnam bhī Thahar paa.e

na do āvāz itnī āhista

jise sunñe ke liye ruuh bhī taras jaa.e

na us ko itnā baḌhāo

ki merā vajūd mere liye azaab ban jaa.e

na raho itne masrūr

ki maiñ hākim-e-vaqt ban jā.ūñ

na raho udaas itne

ki maiñ vaqt se pahle hī be-maut mar jā.ūñ

na is qadar bikhrāo apnī zulfoñ ko

ki ghane ghane saa.e bhī saham jaa.eñ

na un ko itnā sañvāro

ki chalte log raah meñ ruk jaa.eñ

na raho itne duur ki maiñ taras jā.ūñ

na aao itne qarīb ki maiñ jhulas jā.ūñ

na itnā tez chalo ki thak jaao

na itnā ruk ruk ke chalo ki jam jaao

na itna tez chalo ki thak jao

na itna ruk ruk ke chalo ki jam jao

na kholo lab yun bhi

na in ko itna band karo

ki jin par na shabnam bhi Thahar pae

na do aawaz itni aahista

jise sunne ke liye ruh bhi taras jae

na us ko itna baDhao

ki mera wajud mere liye azab ban jae

na raho itne masrur

ki main hakim-e-waqt ban jaun

na raho udas itne

ki main waqt se pahle hi be-maut mar jaun

na is qadar bikhrao apni zulfon ko

ki ghane ghane sae bhi saham jaen

na un ko itna sanwaro

ki chalte log rah mein ruk jaen

na raho itne dur ki main taras jaun

na aao itne qarib ki main jhulas jaun

na itna tez chalo ki thak jao

na itna ruk ruk ke chalo ki jam jao