imtihan se pahle

shaan kī fikr hai na aan kī hai

ab mujhe fikr imtihān kī hai

paḌh rahā huuñ kitāb mehnat se

hūñgā maiñ kāmyāb mehnat se

first aanā hai mujh ko ab kī baar

kuchh dikhānā hai mujh ko ab kī baar

apnī mehnat kī laaj rakhnī hai

kal kī buniyād aaj rakhnī hai

faurī kar lūñgā maiñ agar mehnat

imtihāñ se na hogī kuchh vahshat

saal bhar maiñ ne kī hai tayyārī

mujh pe kyoñ koī ḳhauf ho taarī

kaam mushkil kā kar liyā maiñ ne

koī uljhan nahīñ mire aage

mujh ko ab sāl-bhar kī mehnat kā

sāmne rakhnā hai bas ik ḳhāka

har sabaq kā shumār karnā hai

sab ko phir ek baar paḌhnā hai

kuchh jo bhūlā ho yaad ho jaa.e

kaam se dil bhī shaad ho jaa.e

koī laġhzish agar nahīñ hogī

bhuul bhī vaqt par nahīñ hogī

rafta rafta jo kaam hotā hai

us meñ kuchh intizām hotā hai

koī uljhan na be-qarārī hai

phir bhī ik kaifiyat sī taarī hai

us se fursat milegī dhyān ke ba.ad

chain aa.egā imtihān ke ba.ad

shan ki fikr hai na aan ki hai

ab mujhe fikr imtihan ki hai

paDh raha hun kitab mehnat se

hunga main kaamyab mehnat se

first aana hai mujh ko ab ki bar

kuchh dikhana hai mujh ko ab ki bar

apni mehnat ki laj rakhni hai

kal ki buniyaad aaj rakhni hai

fauri kar lunga main agar mehnat

imtihan se na hogi kuchh wahshat

sal bhar main ne ki hai tayyari

mujh pe kyon koi KHauf ho tari

kaam mushkil ka kar liya main ne

koi uljhan nahin mere aage

mujh ko ab sal-bhar ki mehnat ka

samne rakhna hai bas ek KHaka

har sabaq ka shumar karna hai

sab ko phir ek bar paDhna hai

kuchh jo bhula ho yaad ho jae

kaam se dil bhi shad ho jae

koi laghzish agar nahin hogi

bhul bhi waqt par nahin hogi

rafta rafta jo kaam hota hai

us mein kuchh intizam hota hai

koi uljhan na be-qarari hai

phir bhi ek kaifiyat si tari hai

us se fursat milegi dhyan ke baad

chain aaega imtihan ke baad