imtinaa ka mahina

is mahīne meñ ġhārat-garī man.a thii, peḌ kaTte na the tiir bikte na the

be-ḳhatar thī zamīñ mustaqar ke liye

is mahīne meñ ġhārat-garī man.a thii, ye purāne sahīfoñ meñ mazkūr hai

qātiloñ, rahzanoñ meñ ye dastūr thaa, is mahīnoñ kī hurmat ke e.azāz meñ

dosh par gardan-e-ḳham salāmat rahe

karbalāoñ meñ utre hue kārvānoñ kī mashkoñ kā paanī amānat rahe

merī taqvīm meñ bhī mahīna hai ye

is mahīne ka.ī tishna-lab sā.ateñ, be-gunāhī ke katbe uThā.e hue

roz o shab bain kartī haiñ dahlīz par aur zanjīr-e-dar mujh se khultī nahīñ

farsh-e-hamvār par paañv chaltā nahīñ

dil dhaḌaktā nahīñ

is mahīne maiñ ghar se nikaltā nahīñ

is mahine mein ghaarat-gari mana thi, peD kaTte na the tir bikte na the

be-KHatar thi zamin mustaqar ke liye

is mahine mein ghaarat-gari mana thi, ye purane sahifon mein mazkur hai

qatilon, rahzanon mein ye dastur tha, is mahinon ki hurmat ke eazaz mein

dosh par gardan-e-KHam salamat rahe

karbalaon mein utre hue karwanon ki mashkon ka pani amanat rahe

meri taqwim mein bhi mahina hai ye

is mahine kai tishna-lab saaten, be-gunahi ke katbe uThae hue

roz o shab bain karti hain dahliz par aur zanjir-e-dar mujh se khulti nahin

farsh-e-hamwar par panw chalta nahin

dil dhaDakta nahin

is mahine main ghar se nikalta nahin