in kitabon mein band ujale hain

aadmī kā vaqār ilm se hai

zindagī kī bahār ilm se hai

ilm se bahra-var jo hote haiñ

nekiyāñ vo zamīñ meñ bote haiñ

ilm hai raushnī charāġh hai ilm

dil kī dhaḌkan hai aur dimāġh hai ilm

haiñ jo ilm-e-kitāb se mahrūm

un ko duniyā meñ kuchh nahīñ mālūm

un kā jiinā bhī hai koī jiinā

aañkh to hai magar haiñ nā-bīnā

jahl zulmat hai raushnī hai ilm

maut añdherā hai zindagī hai ilm

jaise ḳhushbū har ik gulāb meñ hai

ilm bhī band har kitāb meñ hai

ye kitāb aisī ek khetī hai

kuchh na kuchh aadmī ko detī hai

ilm se phuul dil kā khiltā hai

āgahī kā surāġh miltā hai

jānte haiñ jo paḌhne vaale haiñ

in kitāboñ meñ band ujāle haiñ

duniyā bhar kī zabāneñ boltīñ haiñ

zehn ke dar kitāb kholtī haiñ

jo kitāboñ se duur rahte haiñ

umr bhar be-shu.ūr rahte haiñ

sach to ye hai kitāb hai bhaa.ī

sab se behtar rafīq-e-tanhā.ī

merā 'ejāz' mashvara hai yahī

tum bhī jā kar paḌho kitāb koī

aadmi ka waqar ilm se hai

zindagi ki bahaar ilm se hai

ilm se bahra-war jo hote hain

nekiyan wo zamin mein bote hain

ilm hai raushni charagh hai ilm

dil ki dhaDkan hai aur dimagh hai ilm

hain jo ilm-e-kitab se mahrum

un ko duniya mein kuchh nahin malum

un ka jina bhi hai koi jina

aankh to hai magar hain na-bina

jahl zulmat hai raushni hai ilm

maut andhera hai zindagi hai ilm

jaise KHushbu har ek gulab mein hai

ilm bhi band har kitab mein hai

ye kitab aisi ek kheti hai

kuchh na kuchh aadmi ko deti hai

ilm se phul dil ka khilta hai

aagahi ka suragh milta hai

jaante hain jo paDhne wale hain

in kitabon mein band ujale hain

duniya bhar ki zabanen boltin hain

zehn ke dar kitab kholti hain

jo kitabon se dur rahte hain

umr bhar be-shuur rahte hain

sach to ye hai kitab hai bhai

sab se behtar rafiq-e-tanhai

mera 'ejaz' mashwara hai yahi

tum bhi ja kar paDho kitab koi