jashn-e-azadi

kaam jo rishvat se ban jaa.e banānā chāhiye

chor-bāzārī meñ kaalā dhan kamānā chāhiye

duudh meñ paanī bā-āzādī milānā chāhiye

jis se matlab ho use makkhan lagānā chāhiye

dosto! yuuñ jashn-e-āzādī manānā chāhiye?

chāval aur gandum na kuchh faulād paidā kījiye

nisf darjan kam se kam aulād paidā kījiye

mas.ale phir aap lā-ta.adād paidā kījiye

māhir-e-mansūba-bañdī ko bhagānā chāhiye

dosto! yuuñ jashn-e-āzādī manānā chāhiye?

maañg hai stereo kī aur v-c-r kī

ḳhair ho ab audio video ke kārobār kī

shakl milne lag ga.ī happy se bar-ḳhurdār kī

jis ke lap par har ghaḌī disko tarāna chāhiye

dosto! yuuñ jashn-e-āzādī manānā chāhiye?

rickshaw o taxy kā meter tez honā chāhiye

nursery kā master añgrez honā chāhiye

aqd kā me.aar itnā ''rase'' honā chāhiye

zindagī kā partner misl-e-''diyānā'' chāhiye

dosto! yuuñ jashn-e-āzādī manānā chāhiye?

jī meñ jo aa.e kiye jaao ki tum āzād ho

motareñ tezī se dauḌāo ki tum āzād ho

hādsa kar ke khisak jaao ki tum āzād ho

dhar liye jaao to fauran ''makmakānā'' chāhiye

dosto! yuuñ jashn-e-āzādī manānā chāhiye?

aaj is andāz ko yaksar badalnā hai hameñ

ham bahut bigḌe haiñ lekin ab sañvarnā hai hameñ

des kī ḳhātir hī jiinā aur marnā hai hameñ

jo na ab tak ho sakā ab kar dikhānā chāhiye

dosto! yuuñ jashn-e-āzādī manānā chāhiye?

kaam jo rishwat se ban jae banana chahiye

chor-bazari mein kala dhan kamana chahiye

dudh mein pani ba-azadi milana chahiye

jis se matlab ho use makkhan lagana chahiye

dosto! yun jashn-e-azadi manana chahiye?

chawal aur gandum na kuchh faulad paida kijiye

nisf darjan kam se kam aulad paida kijiye

masale phir aap la-tadad paida kijiye

mahir-e-mansuba-bandi ko bhagana chahiye

dosto! yun jashn-e-azadi manana chahiye?

mang hai stereo ki aur w-c-r ki

KHair ho ab audio wideo ke karobar ki

shakl milne lag gai happy se bar-KHurdar ki

jis ke lap par har ghaDi disko tarana chahiye

dosto! yun jashn-e-azadi manana chahiye?

rickshaw o taxy ka meter tez hona chahiye

nursery ka master angrez hona chahiye

aqd ka mear itna rase hona chahiye

zindagi ka partner misl-e-diyana chahiye

dosto! yun jashn-e-azadi manana chahiye?

ji mein jo aae kiye jao ki tum aazad ho

motaren tezi se dauDao ki tum aazad ho

hadsa kar ke khisak jao ki tum aazad ho

dhar liye jao to fauran makmakana chahiye

dosto! yun jashn-e-azadi manana chahiye?

aaj is andaz ko yaksar badalna hai hamein

hum bahut bigDe hain lekin ab sanwarna hai hamein

des ki KHatir hi jina aur marna hai hamein

jo na ab tak ho saka ab kar dikhana chahiye

dosto! yun jashn-e-azadi manana chahiye?