pandrah august

ahinsā kī shamshīr chamkī isī din

ġhulāmī kī zanjīr TuuTī isī din

gulistāñ kī taqdīr badlī isī din

uTho aaj ḳhushiyoñ ke ham giit gaa.eñ

chalo apnī dhartī ko dulhan banā.eñ

khule kaise kaise bharam dushmanoñ ke

rahe phir na baaqī sitam dushmanoñ ke

miTe is zamīñ se qadam dushmanoñ ke

uTho aaj ḳhushiyoñ ke ham giit gaa.eñ

chalo apnī dhartī ko dulhan banā.eñ

isī din kī ḳhātir baḌe ġham uThā.e

zamīñ āsmāñ ke qulābe milā.e

zarā bhī na apne qadam Dagmagā.e

uTho aaj ḳhushiyoñ ke ham giit gaa.eñ

chalo apnī dhartī ko dulhan banā.eñ

ye vo din hai ham jis kī barakat ko samjheñ

yahī din hai vo jis kī qīmat ko samjheñ

yahī din hai vo jis kī azmat ko samjheñ

uTho aaj ḳhushiyoñ ke ham giit gaa.eñ

chalo apnī dhartī ko dulhan banā.eñ

tirañge ko ham aur ūñchā uThā deñ

charāġhoñ se har bām-o-dar ko sajā deñ

zamāne ko ye sarḳhushī bhī dikhā deñ

uTho aaj ḳhushiyoñ ke ham giit gaa.eñ

chalo apnī dhartī ko dulhan banā.eñ

ahinsa ki shamshir chamki isi din

ghulami ki zanjir TuTi isi din

gulistan ki taqdir badli isi din

uTho aaj KHushiyon ke hum git gaen

chalo apni dharti ko dulhan banaen

khule kaise kaise bharam dushmanon ke

rahe phir na baqi sitam dushmanon ke

miTe is zamin se qadam dushmanon ke

uTho aaj KHushiyon ke hum git gaen

chalo apni dharti ko dulhan banaen

isi din ki KHatir baDe gham uThae

zamin aasman ke qulabe milae

zara bhi na apne qadam Dagmagae

uTho aaj KHushiyon ke hum git gaen

chalo apni dharti ko dulhan banaen

ye wo din hai hum jis ki barakat ko samjhen

yahi din hai wo jis ki qimat ko samjhen

yahi din hai wo jis ki azmat ko samjhen

uTho aaj KHushiyon ke hum git gaen

chalo apni dharti ko dulhan banaen

tirange ko hum aur uncha uTha den

charaghon se har baam-o-dar ko saja den

zamane ko ye sarKHushi bhi dikha den

uTho aaj KHushiyon ke hum git gaen

chalo apni dharti ko dulhan banaen