dawat-e-inqilab

kyā legā ḳhāk-e-murda-o-uftāda ban ke tū

tūfān ban ki hai tirī fitrat meñ inqalāb

kyuuñ TimTimā.e kirmak-e-shab-tāb kī tarah

ban saktā hai tū auj-e-falak par agar shahāb

vo ḳhaak ho ki jis meñ mileñ reza-hā-e-zar

vo sañg ban ki jis se nikalte haiñ la.al-e-nāb

chiḌiyoñ kī tarah daane pe girtā hai kis liye

parvāz rakh buland ki tū ban sake uqaab

vo chashma ban ki jis se hoñ sarsabz khetiyāñ

rah-rau ko tū fareb na de sūrat-e-sarāb

kya lega KHak-e-murda-o-uftada ban ke tu

tufan ban ki hai teri fitrat mein inqalab

kyun TimTimae kirmak-e-shab-tab ki tarah

ban sakta hai tu auj-e-falak par agar shahab

wo KHak ho ki jis mein milen reza-ha-e-zar

wo sang ban ki jis se nikalte hain lal-e-nab

chiDiyon ki tarah dane pe girta hai kis liye

parwaz rakh buland ki tu ban sake uqab

wo chashma ban ki jis se hon sarsabz khetiyan

rah-rau ko tu fareb na de surat-e-sarab