inqalab-e-hind

bārhā dekhā hai tū ne āsmāñ kā inqalāb

khol aañkh aur dekh ab hindostāñ kā inqalāb

maġhrib o mashriq nazar aane lage zer-o-zabar

inqalāb-e-hind hai saare jahāñ kā inqalāb

kar rahā hai qasr-e-āzādī kī buniyād ustuvār

fitrat-e-tifl-o-zan-o-pīr-o-javāñ kā inqalāb

sabr vaale chhā rahe haiñ jabr kī aqlīm par

ho gayā farsūda shamshīr-o-sināñ kā inqalāb

barha dekha hai tu ne aasman ka inqalab

khol aankh aur dekh ab hindostan ka inqalab

maghrib o mashriq nazar aane lage zer-o-zabar

inqalab-e-hind hai sare jahan ka inqalab

kar raha hai qasr-e-azadi ki buniyaad ustuwar

fitrat-e-tifl-o-zan-o-pir-o-jawan ka inqalab

sabr wale chha rahe hain jabr ki aqlim par

ho gaya farsuda shamshir-o-sinan ka inqalab