intibah

sitam-nasībān-e-sarzamīñ ko payām pahuñchā diyā gayā hai

nigūñ-sarī kā qayām hogā

sabhī nigāheñ jhukī raheñgī

har ek gardan pe teġh hogī

har ek shah-rag pe hoñge nāḳhun

ki shahar jab tak nigūñ na hogā

kamān tab tak tanī rahegī

hamārī aglī hidāyatoñ tak

har ek jumbish thamī rahegī

zamīn-zāde ki intibāh ḳhudā kī marzī samajh chuke haiñ

so ab zabānoñ pe ḳhāmushī hai so ab muqaddar meñ gāliyāñ haiñ

charāġh gum haiñ ki chāroñ jānib añdherī rātoñ kī āñdhiyāñ haiñ

hamāre hisse meñ apne dukh par bhī qahqahe haiñ yā tāliyāñ haiñ

sitam-nasiban-e-sarzamin ko payam pahuncha diya gaya hai

nigun-sari ka qayam hoga

sabhi nigahen jhuki rahengi

har ek gardan pe tegh hogi

har ek shah-rag pe honge naKHun

ki shahar jab tak nigun na hoga

kaman tab tak tani rahegi

hamari agli hidayaton tak

har ek jumbish thami rahegi

zamin-zade ki intibah KHuda ki marzi samajh chuke hain

so ab zabanon pe KHamushi hai so ab muqaddar mein galiyan hain

charagh gum hain ki chaaron jaanib andheri raaton ki aandhiyan hain

hamare hisse mein apne dukh par bhi qahqahe hain ya taliyan hain