intisab

shikāyat na karnā

agar ye zamāna pukāre tumheñ

aur sadā merī āvāz kī guuñj ho

shikāyat na karnā

agar log muḌ muḌ ke dekheñ tumheñ

aur har shakl meñ merī muskān tum ko

dikhā.ī bhī de aur sunā.ī bhī de

shikāyat na karnā

agar har zabāñ par

tumhāre bajā.e mirā naam ho

tumheñ merī āñkhoñ kī tārīf karte hue

sochnā chāhiye thā

yahāñ saañs lete hue ḳhvāb

har aañkh ke ḳhvāb jaise nahīñ haiñ

yahāñ ḳhvāb āñkhoñ se bah jaa.eñ to

ashk bante nahīñ haiñ

pighalte nahīñ haiñ

tumheñ mere hāthoñ kī narmī ko mahsūs karte hue

bhūlnā to nahīñ chāhiye thā

ki ik haath meñ ek ḳhālī varaq

dūsre meñ qalam hai

shikāyat na karnā

agar ḳhushnumā raushnā.ī meñ pahle varaq par

tumheñ log paḌh leñ

shikayat na karna

agar ye zamana pukare tumhein

aur sada meri aawaz ki gunj ho

shikayat na karna

agar log muD muD ke dekhen tumhein

aur har shakl mein meri muskan tum ko

dikhai bhi de aur sunai bhi de

shikayat na karna

agar har zaban par

tumhaare bajae mera nam ho

tumhein meri aankhon ki tarif karte hue

sochna chahiye tha

yahan sans lete hue KHwab

har aankh ke KHwab jaise nahin hain

yahan KHwab aankhon se bah jaen to

ashk bante nahin hain

pighalte nahin hain

tumhein mere hathon ki narmi ko mahsus karte hue

bhulna to nahin chahiye tha

ki ek hath mein ek KHali waraq

dusre mein qalam hai

shikayat na karna

agar KHushnuma raushnai mein pahle waraq par

tumhein log paDh len