اقبال کا شعر
ایمان کی تفسیر قلندر کا ترانہ
سمجھے تو پلٹ آئے بلندی پہ زمانہ
بے باک نگاہوں کا فلک بوس اشارہ
سنگین چٹانوں سے گزرتا ہوا دھارا
بے تابئ فطرت کی سکوں بخش کہانی
شعلوں سے بنائی ہوئی شبنم کی روانی
اشکوں میں نہائی ہوئی اک موج تبسم
ملاح کا گرداب میں جس طرح ترنم
الہام میں تکمیل حقیقت کی ادائیں
شاہین کی پرواز مجاہد کی نوائیں
سوئی ہوئی قسمت کو جگاتا ہوا نغمہ
ہر سانس کو ہنگامہ بناتا ہوا نغمہ
پت جھڑ کی طرف دیکھ کے ہنستا ہوا بادل
سوکھے ہوئے کھیتوں پہ برستا ہوا بادل
اک برق سر طور تکلم کے سہارے
اک جلوۂ مستور ترنم کے سہارے
اک شمع رہ شوق میں منزل کی نشانی
اک پیکر لفظی کی نوا خیز جوانی
اک روح جو انسان کو انسان بنا دے
اک درد جو جذبات کو ایمان بنا دے
اقبالؔ کا ہر شعر ہے مے خانۂ ہستی
ہر رند کو دیتا ہے جو پیمانۂ ہستی
- Maikhana
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
