is waqt ghazal ki baat na kar

santān hañse to kaise hañse

is vaqt hai maatā ḳhatre meñ

sansār ke parbat kā raaja

hai apnā himāla ḳhatre meñ

hai sāmnā kitne ḳhatroñ kā

hai desh kī siimā ḳhatre meñ

ai dost vatan se ghaat na kar

is vaqt ġhazal kī baat na kar

mehñdī huī piilī kitnoñ kī

sindūr luTe haiñ kitnoñ ke

haiñ chūḌiyāñ ThanDī kitnoñ kī

armān jale haiñ kitnoñ ke

is chiin ke zālim hāthoñ se

sansār phuñke haiñ kitnoñ ke

muskān kī tū barsāt na kar

is vaqt ġhazal kī baat na kar

mat kaaT kapaT kar maatā se

denā hai jo kuchh īmān se de

ye parashn vatan kī laaj kā hai

jī khol ke de jī jaan se de

gaurav kī hifāzat kar apne

de dhan bhī to pyāre aan se de

tū daan na de ḳhairāt na kar

is vaqt ġhazal kī baat na kar

jis ghar meñ barastā thā jīvan

chhā.ī hai vahāñ par vīrānī

beva huiiñ kitnī sundariyāñ

maare ga.e kitne senānī

kyuuñ josh nahīñ aatā tujh ko

hai ḳhuun ragoñ meñ yā paanī

āzādī ke din ko raat na kar

is vaqt ġhazal kī baat na kar

sunte haiñ musībat aa.egī

aa.egī to dekhā jā.egā

jis ne hameñ kāyer samjhā hai

us desh se samjhā jā.egā

har shoḳh adā se khel chuke

ab ḳhuun se khelā jā.egā

aise meñ hameñ be-hāt na kar

is vaqt ġhazal kī baat na kar

ab band pe gaayā jā.egā

ye saaz na chheḌe jā.eñge

le rakh de Thikāne se ye ġhazal

marne se bache to gā.eñge

hai saath hamāre sachchā.ī

ham pā ke vijay muskā.eñge

jiitī huī baazī maat na kar

is vaqt ġhazal kī baat na kar

santan hanse to kaise hanse

is waqt hai mata KHatre mein

sansar ke parbat ka raja

hai apna himala KHatre mein

hai samna kitne KHatron ka

hai desh ki sima KHatre mein

ai dost watan se ghat na kar

is waqt ghazal ki baat na kar

mehndi hui pili kitnon ki

sindur luTe hain kitnon ke

hain chuDiyan ThanDi kitnon ki

arman jale hain kitnon ke

is chin ke zalim hathon se

sansar phunke hain kitnon ke

muskan ki tu barsat na kar

is waqt ghazal ki baat na kar

mat kaT kapaT kar mata se

dena hai jo kuchh iman se de

ye parashn watan ki laj ka hai

ji khol ke de ji jaan se de

gauraw ki hifazat kar apne

de dhan bhi to pyare aan se de

tu dan na de KHairaat na kar

is waqt ghazal ki baat na kar

jis ghar mein barasta tha jiwan

chhai hai wahan par virani

bewa huin kitni sundariyan

mare gae kitne senani

kyun josh nahin aata tujh ko

hai KHun ragon mein ya pani

aazadi ke din ko raat na kar

is waqt ghazal ki baat na kar

sunte hain musibat aaegi

aaegi to dekha jaega

jis ne hamein kayer samjha hai

us desh se samjha jaega

har shoKH ada se khel chuke

ab KHun se khela jaega

aise mein hamein be-hat na kar

is waqt ghazal ki baat na kar

ab band pe gaya jaega

ye saz na chheDe jaenge

le rakh de Thikane se ye ghazal

marne se bache to gaenge

hai sath hamare sachchai

hum pa ke wijay muskaenge

jiti hui bazi mat na kar

is waqt ghazal ki baat na kar