ishq se hai aashkar

būd-o-nabūd-e-hayāt

soz-e-dil-e-kā.enāt

rāz-e-hayāt-o-mamāt

rasm-o-rah-e-iltifāt

jalva-e-zāt-o-sifāt

ik jahān-e-mumkināt

ishq se hai āshkār

būd-o-nabūd-e-hayāt

ishq kī tāsīr se

tāb-o-tab-e-āftāb

kaifiyat-e-iltihāb

nūr-e-ruḳh-e-māhtāb

qumquma-āsā hubāb

tund-rūī-e-sahāb

bahr meñ hai iztirāb

ishq kī tāsīr se

tāb-o-tab-e-āftāb

ishq ke anvār se

zindagī meñ chāñdnī

ye chamak ye raushnī

zindagānī kī ḳhushī

rāstī dil-bastagī

ishq se qaa.em huī

rāh-o-rasm bāhamī

ishq ke anvār se

zindagī meñ chāñdnī

ishq hī ke dam se hai

shorish-e-bazm-e-jahāñ

raunaq-e-kaun-o-makāñ

jism meñ rūh-e-ravāñ

zindagī-e-jāvedāñ

tez-gāmī se ravāñ

kārvāñ kā kārvāñ

ishq hī ke dam se hai

shorish-e-bazm-e-jahāñ

ishq hai ummul-kitāb

ishq ḳhāliq kā payām

ishq hai ḳhair-ul-anām

is kā hai aalī maqām

kāmrān-o-shād-kām

bhejte haiñ sub.h-o-shām

is pe sab lākhoñ salām

ishq hai ummul-kitāb

ishq ḳhāliq kā payām

bahr-e-be-pāyāñ hai ishq

mauj bhī sāhil bhī ishq

jāda-o-manzil bhī ishq

muzhda-o-hāsil bhī ishq

garmī-e-mahaz bhī ishq

lailā-o-mahmil bhī ishq

qātil o bismil bhī ishq

bahr-e-be-pāyāñ hai ishq

mauj bhī sāhil bhī ishq

bud-o-nabud-e-hayat

soz-e-dil-e-kaenat

raaz-e-hayat-o-mamat

rasm-o-rah-e-iltifat

jalwa-e-zat-o-sifat

ek jahan-e-mumkinat

ishq se hai aashkar

bud-o-nabud-e-hayat

ishq ki tasir se

tab-o-tab-e-aftab

kaifiyat-e-iltihab

nur-e-ruKH-e-mahtab

qumquma-asa hubab

tund-rui-e-sahab

bahr mein hai iztirab

ishq ki tasir se

tab-o-tab-e-aftab

ishq ke anwar se

zindagi mein chandni

ye chamak ye raushni

zindagani ki KHushi

rasti dil-bastagi

ishq se qaem hui

rah-o-rasm bahami

ishq ke anwar se

zindagi mein chandni

ishq hi ke dam se hai

shorish-e-bazm-e-jahan

raunaq-e-kaun-o-makan

jism mein ruh-e-rawan

zindagi-e-jawedan

tez-gami se rawan

karwan ka karwan

ishq hi ke dam se hai

shorish-e-bazm-e-jahan

ishq hai ummul-kitab

ishq KHaliq ka payam

ishq hai KHair-ul-anam

is ka hai aali maqam

kaamran-o-shad-kaam

bhejte hain subh-o-sham

is pe sab lakhon salam

ishq hai ummul-kitab

ishq KHaliq ka payam

bahr-e-be-payan hai ishq

mauj bhi sahil bhi ishq

jada-o-manzil bhi ishq

muzhda-o-hasil bhi ishq

garmi-e-mahaz bhi ishq

laila-o-mahmil bhi ishq

qatil o bismil bhi ishq

bahr-e-be-payan hai ishq

mauj bhi sahil bhi ishq