ism-e-azam

maiñ mash.hūr ho gayā huuñ

achānak itnā ziyāda

ki vo log mujhe burā kahne lage haiñ

jo kabhī mujhe mile hī nahīñ

jo mujhe jānte hī nahīñ

māherīn-e-nafsiyāt kahte haiñ

ġhair-haqīqī duniyā meñ rahne vaale

jazbātī log

ḳhud ko hero samajh kar

jāgtī āñkhoñ ke ḳhvāboñ meñ

apnī marzī ke vilen taḳhlīq kar lete haiñ

is ġhalat-fahmī kā ta.alluq

un ke shu.ūr se nahīñ hotā

un ke a.amāl se nahīñ hotā

un ke shajre se nahīñ hotā

ye ek zehnī āriza hai

is liye

mujhe kisī se shikāyat nahīñ

marīzoñ se hamdardī hai

aur thoḌī sī ḳhushī bhī

ki gāliyoñ se kalī karne vaale

kuchh logoñ ko

merā naam le kar

taskīn milne lagī hai

merā naam

ism-e-āzam ban gayā hai

main mashhur ho gaya hun

achanak itna ziyaada

ki wo log mujhe bura kahne lage hain

jo kabhi mujhe mile hi nahin

jo mujhe jaante hi nahin

maherin-e-nafsiyat kahte hain

ghair-haqiqi duniya mein rahne wale

jazbaati log

KHud ko hero samajh kar

jagti aankhon ke KHwabon mein

apni marzi ke wilen taKHliq kar lete hain

is ghalat-fahmi ka talluq

un ke shuur se nahin hota

un ke aamal se nahin hota

un ke shajre se nahin hota

ye ek zehni aariza hai

is liye

mujhe kisi se shikayat nahin

marizon se hamdardi hai

aur thoDi si KHushi bhi

ki galiyon se kali karne wale

kuchh logon ko

mera nam le kar

taskin milne lagi hai

mera nam

ism-e-azam ban gaya hai