jamia-usmaniya

ai ki terī ḳhidmateñ sarmāya-dār-e-ilm haiñ

terā maqsad ziist kā āġhāz-e-ḳhush-anjām hai

ai ki terī jiddateñ ā.īna-dār-e-ilm haiñ

dā.imī taskīñ zamāne ko tirā paiġhām hai

tere paikar meñ nihāñ hai ḳhvāhish-e-auj-e-kamāl

hai tirī ta.amīr meñ ilm-o-amal kī kā.enāt

tere siine meñ hai muztar jumbish-e-mauj-e-ḳhayāl

chashma-e-baḳhshish hai terā chashma-e-āb-e-hayāt

terī har harakat meñ maḳhfī ārzū-e-iztirār

terī tadbīr-e-amal par inhisār-e-zindagī

tere har ārām meñ pinhāñ sukūt-e-be-qarār

terā ehsās-e-karam jān-e-bahār-e-zindagī

kaash tū mere liye vajh-e-kashūd-e-kār ho

terī qum se baḳht-e-ḳhvābīda mirā bedār ho

ai ki teri KHidmaten sarmaya-dar-e-ilm hain

tera maqsad zist ka aaghaz-e-KHush-anjam hai

ai ki teri jiddaten aaina-dar-e-ilm hain

daimi taskin zamane ko tera paigham hai

tere paikar mein nihan hai KHwahish-e-auj-e-kamal

hai teri tamir mein ilm-o-amal ki kaenat

tere sine mein hai muztar jumbish-e-mauj-e-KHayal

chashma-e-baKHshish hai tera chashma-e-ab-e-hayat

teri har harakat mein maKHfi aarzu-e-iztirar

teri tadbir-e-amal par inhisar-e-zindagi

tere har aaram mein pinhan sukut-e-be-qarar

tera ehsas-e-karam jaan-e-bahaar-e-zindagi

kash tu mere liye wajh-e-kashud-e-kar ho

teri qum se baKHt-e-KHwabida mera bedar ho