jaanan

rūThnā thā kise manānā thā

vaqt ke saath gungunānā thā

lahr dariyā ke saath rahtī hai

bijlī bādal meñ hai ajab rishta

saañs kī Dor ban ke jism ke saath

ruuh har lamha hai ravānī meñ

kheltī hai vo aag paanī meñ

vaqt kī baat hai alag jānāñ

husn sauġhāt hai alag jānāñ

phuul se rūThtī hai kab ḳhushbū

raat se rūThtā hai kab jugnū

nain se duur kab rahā jaadū

hañste hañste nikal ga.e aañsū

yuuñ to har shai ko hai fanā ya.anī

rah gayā apnā mudda.ā ya.anī

is tarah se koī nahīñ jaatā

jis tarah ruuTh kar ga.e jānāñ

ruThna tha kise manana tha

waqt ke sath gungunana tha

lahr dariya ke sath rahti hai

bijli baadal mein hai ajab rishta

sans ki Dor ban ke jism ke sath

ruh har lamha hai rawani mein

khelti hai wo aag pani mein

waqt ki baat hai alag jaanan

husn saughat hai alag jaanan

phul se ruThti hai kab KHushbu

raat se ruThta hai kab jugnu

nain se dur kab raha jadu

hanste hanste nikal gae aansu

yun to har shai ko hai fana yani

rah gaya apna muddaa yani

is tarah se koi nahin jata

jis tarah ruTh kar gae jaanan