jaane kya baat hui thi jo mujhe yaad nahin

jaane kyā baat huī thī jo mujhe yaad nahīñ

raat kā pahlā qadam thā ki vo thā pichhlā pahar

chauḌe darvāze se niklī thī vo ma.asūm sahar

ek dastak sunā.ī dī thī yā thā merā vahm

gungunātī huī ḳhāmoshī thī yā merā bharam

niiñd chauñkī thī yā ḳhvāboñ ke sanam TuuTe the

ek dhundlī sī shakl yaad hai ab bhī mujh ko

gandumī rang pe juḌvāñ se sunahrī shīshe

rāsta kho.e se hairān farishtoñ jaise

apnī palkoñ meñ sadāqat kā shor thāme hue

jhiil se gahrī aqīdat kī Dor thāme hue

tak rahī haiñ mujhe yaksāñ take jaatī haiñ

yaad aa.ī thiiñ vo jaagī huī āñkheñ kal raat

koī kah de to sahī pichhle janam jhūTe the

jaane kya baat hui thi jo mujhe yaad nahin

raat ka pahla qadam tha ki wo tha pichhla pahar

chauDe darwaze se nikli thi wo masum sahar

ek dastak sunai di thi ya tha mera wahm

gungunati hui KHamoshi thi ya mera bharam

nind chaunki thi ya KHwabon ke sanam TuTe the

ek dhundli si shakl yaad hai ab bhi mujh ko

gandumi rang pe juDwan se sunahri shishe

rasta khoe se hairan farishton jaise

apni palkon mein sadaqat ka shor thame hue

jhil se gahri aqidat ki Dor thame hue

tak rahi hain mujhe yaksan take jati hain

yaad aai thin wo jagi hui aankhen kal raat

koi kah de to sahi pichhle janam jhuTe the