jab dekho dur KHalaon mein

jab dekho duur ḳhalāoñ meñ

ik chehra sā ban jaatā ho

jab tanhā.ī ke milte hī

vo yaad tumheñ aa jaatā ho

jab anjāne meñ chupke se

ik naam se nisbat ho jaa.e

jab us ko sochte rahne se

kuchh dil ko rāhat ho jaa.e

jab raat achānak niiñd khule

us paikar kī hī yaad aa.e

jab apnī sāñsoñ se tum ko

ek shaḳhs kī ḳhushbū sī aa.e

jab an-jānā ehsās liye

vo zehn-o-dil par chhā jaa.e

jab duniyā bhar meñ us ke sivā

koī aur nazar hī nā aa.e

tab samjho 'mīnā' tum ne bhī

ab ishq kā dāman thaam liyā

ik ḳhvāb kabhī jo dekhā thā

ta.abīr ko apne naam kiyā

ta.abīr ko apne naam kiyā

jab dekho dur KHalaon mein

ek chehra sa ban jata ho

jab tanhai ke milte hi

wo yaad tumhein aa jata ho

jab anjaane mein chupke se

ek nam se nisbat ho jae

jab us ko sochte rahne se

kuchh dil ko rahat ho jae

jab raat achanak nind khule

us paikar ki hi yaad aae

jab apni sanson se tum ko

ek shaKHs ki KHushbu si aae

jab an-jaana ehsas liye

wo zehn-o-dil par chha jae

jab duniya bhar mein us ke siwa

koi aur nazar hi na aae

tab samjho 'mina' tum ne bhi

ab ishq ka daman tham liya

ek KHwab kabhi jo dekha tha

tabir ko apne nam kiya

tabir ko apne nam kiya