jagah

unhoñ ne sub.h aur shaam ke aḳhbār uThā.e

aur raddī vaale ko de diye

hamāre ghar meñ

kūḌe-karkaT kī jagah nahīñ

unhoñ ne kitāb uThā.ī

aur galī meñ pheñk dī

hamārī almārī meñ

be-kār alfāz ke liye

koī jagah nahīñ

unhoñ ne saada kāġhaz uThā.e

aur apnā muñh poñchhne lage

apne bachchoñ ke liye jahāz banāne lage

kāġhaz isī kaam aatā hai

unhoñ ne kahā

aur har taraf jahāz uḌāne lage

phir hameñ aur kāġhaz aur lafz ko

apne itne qarīb dekh kar

unhoñ ne hameñ uThāyā

aur ghar se bāhar

saḌak par khaḌā kar diyā

ham ne unheñ dekhā

aur dekhte hī apnī āñkheñ band kar liiñ

un ke liye hamāre dil meñ

koī jagah nahīñ thī

unhon ne subh aur sham ke aKHbar uThae

aur raddi wale ko de diye

hamare ghar mein

kuDe-karkaT ki jagah nahin

unhon ne kitab uThai

aur gali mein phenk di

hamari almari mein

be-kar alfaz ke liye

koi jagah nahin

unhon ne sada kaghaz uThae

aur apna munh ponchhne lage

apne bachchon ke liye jahaz banane lage

kaghaz isi kaam aata hai

unhon ne kaha

aur har taraf jahaz uDane lage

phir hamein aur kaghaz aur lafz ko

apne itne qarib dekh kar

unhon ne hamein uThaya

aur ghar se bahar

saDak par khaDa kar diya

hum ne unhen dekha

aur dekhte hi apni aankhen band kar lin

un ke liye hamare dil mein

koi jagah nahin thi