jahan main hun

jahāñ maiñ huuñ

hazāroñ ḳhvāhisheñ āsūdgī kī zindagī kā pairahan ban kar

mirī majbūriyoñ ko apne dāman meñ chhupātī haiñ

taḳhayyul kā jahāñ ābād gaahe kuchh na.e

lekin hazāroñ vaqt-ḳhurda ḳhush-nazar goshoñ kī zindānī

tilsmātī fazā meñ dilkashī kā nuur bhartā hai

inhī goshoñ meñ āvāra ḳhirāmī kī hikāyat

mujh ko kaif-e-sarmadī ke be-zabāñ lamhoñ kī

ra.anā.ī se ham-āġhosh kartī hai

shabāna roz kī jehd-e-musalsal se

anokhī azmatoñ ke dā.eroñ meñ lā ke nā-āsūdgī kī zindagī ko maiñ

kamāl-e-andāz istiġhnā se apnātā huuñ

apne jī meñ ye Thāne

koī us ko na jānegā

koī mujh ko na pā.egā

zamāne kī haqīqat meñ nigāhoñ ko

bhalā rokā kisī ne asal kī tag tak pahuñchne se

ye merī dil-girafta kaifiyat jis ne

piyā hai zindagī-bhar ḳhūn-e-rag-e-jāñ kā

barahna baat kahne par bhī mujh ko is tarah uryāñ nahīñ kartī

nigāh-e-ahl-e-dil meñ faash kartī haiñ mujhe jaise

mirī majbūriyāñ jin kī pyaas rañj-e-mahrūmī

tah-e-dāman lahū se apne sīñchā thā

jahan main hun

hazaron KHwahishen aasudgi ki zindagi ka pairahan ban kar

meri majburiyon ko apne daman mein chhupati hain

taKHayyul ka jahan aabaad gahe kuchh nae

lekin hazaron waqt-KHurda KHush-nazar goshon ki zindani

tilsmati faza mein dilkashi ka nur bharta hai

inhi goshon mein aawara KHirami ki hikayat

mujh ko kaif-e-sarmadi ke be-zaban lamhon ki

ranai se ham-aghosh karti hai

shabana roz ki jehd-e-musalsal se

anokhi azmaton ke daeron mein la ke na-asudgi ki zindagi ko main

kamal-e-andaz istighna se apnata hun

apne ji mein ye Thane

koi us ko na jaanega

koi mujh ko na paega

zamane ki haqiqat mein nigahon ko

bhala roka kisi ne asal ki tag tak pahunchne se

ye meri dil-girafta kaifiyat jis ne

piya hai zindagi-bhar KHun-e-rag-e-jaan ka

barahna baat kahne par bhi mujh ko is tarah uryan nahin karti

nigah-e-ahl-e-dil mein fash karti hain mujhe jaise

meri majburiyan jin ki pyas ranj-e-mahrumi

tah-e-daman lahu se apne sincha tha