janm-din

āsmāñ kī vus.atoñ meñ

merī nazreñ

DhūñDhtī haiñ us hasīñ maazī ko, jis kī

yaad ke saa.e bhī ghulte jā rahe haiñ ab havā meñ

aur mirī āñkhoñ se ojhal ho rahe haiñ lamha lamha

maiñ purānā sā koī insān huuñ, mahsūs ye hotā hai mujh ko

maiñ ne har sāvan meñ dhoyā hai badan ko

aur ye dhartī mujhe roz-e-azal se jāntī hai

yaad hai vo din mujhe achchhī tarah se

khaulte chiñghāḌte laave ke be-pāyāñ samundar se uchhal kar

ham ikaTThe hī gire the

aur sadiyoñ ba.ad hosh āyā, khulī jab aañkh merī

maiñ ne dekhā

maiñ to sadiyoñ pahle paidā ho chukā thā

aasman ki wusaton mein

meri nazren

DhunDhti hain us hasin mazi ko, jis ki

yaad ke sae bhi ghulte ja rahe hain ab hawa mein

aur meri aankhon se ojhal ho rahe hain lamha lamha

main purana sa koi insan hun, mahsus ye hota hai mujh ko

main ne har sawan mein dhoya hai badan ko

aur ye dharti mujhe roz-e-azal se jaanti hai

yaad hai wo din mujhe achchhi tarah se

khaulte chinghaDte lawe ke be-payan samundar se uchhal kar

hum ikaTThe hi gire the

aur sadiyon baad hosh aaya, khuli jab aankh meri

main ne dekha

main to sadiyon pahle paida ho chuka tha