jawahar-lal nehru

yak-ba-yak kyā huā

ġham kī chhā.ī ghaTā

desh rone lagā

amn kā devtā

raah meñ kho gayā

faḳhr-e-hindostāñ

jān-e-amn-o-amāñ

mohsin-e-be-kasāñ

rahbar-e-kārvāñ

raah meñ kho gayā

jāñ-nisār-e-vatan

chhoḌ kar anjuman

bhāyā gang-o-jaman

hind kā bāñkpan

raah meñ kho gayā

aaj nehru nahīñ

us ko DhūñDo kahīñ

jis kā ḳhvāb-e-hasīñ

hind kī sar-zamīñ

raah meñ kho gayā

yak-ba-yak kya hua

gham ki chhai ghaTa

desh rone laga

amn ka dewta

rah mein kho gaya

faKHr-e-hindostan

jaan-e-amn-o-aman

mohsin-e-be-kasan

rahbar-e-karwan

rah mein kho gaya

jaan-nisar-e-watan

chhoD kar anjuman

bhaya gang-o-jaman

hind ka bankpan

rah mein kho gaya

aaj nehru nahin

us ko DhunDo kahin

jis ka KHwab-e-hasin

hind ki sar-zamin

rah mein kho gaya