jawani ki kahani

na chheḌ ai dil javānī kī kahānī

kisī kī dil-sitānī kī kahānī

vo soz-e-zindagī-afroz kā zikr

vo dard-e-jāvedānī kī kahānī

vo dukh kī jāgtī rātoñ kā qissa

vo ashkoñ kī ravānī kī kahānī

bahāreñ mastiyoñ kī dāstāneñ

ḳhumārīñ sargirānī kī kahānī

masarrat-āshnā ġham kā fasāna

ġham-āgīñ shādmānī kī kahānī

vo hoñToñ se lage jāmoñ kā qissa

vo ātish-mauj paanī kī kahānī

mirī ā.ankhoñ meñ aañsū jhuum aa.e

na chheḌ ai dil javānī kī kahānī

na chheD ai dil jawani ki kahani

kisi ki dil-sitani ki kahani

wo soz-e-zindagi-afroz ka zikr

wo dard-e-jawedani ki kahani

wo dukh ki jagti raaton ka qissa

wo ashkon ki rawani ki kahani

bahaaren mastiyon ki dastanen

KHumarin sargirani ki kahani

masarrat-ashna gham ka fasana

gham-agin shadmani ki kahani

wo honTon se lage jamon ka qissa

wo aatish-mauj pani ki kahani

meri aaankhon mein aansu jhum aae

na chheD ai dil jawani ki kahani