jo bole mara jae

vaqt ne pūchhā

kyā tum mujh ko jānte ho

haañ

kyā tum mujh ko mānte ho

naañ

kyā matlab hai

kyā matlab thā

vaqt bhī chup hai

jaane vo kab kyā bolegā

aaj kī kitnī bātoñ ko bhī

kaise kaise badalne vaale

bante bante ġham se ḳhushī se aur hairat se

apnī āñkheñ malne vaale

mīzānoñ meñ DanDī maar ke yā sachchā.ī se taulegā

aur phir maiñ bhī chup na rahūñgā

lekin

jo is vaqt mujhe bhī kahnā lāzim ho

vo kah na sakūñgā

shāyad vo sab sah na sakūñgā

haañ bha.ī le is lamhe maiñ tujh ko māntā bhī huuñ

ab ye chhoḌ ki jāntā bhī huuñ

jo tū chāhe aaj batā de

varna mujh ko abhī bhulā de

kaun ab kyā kyā kis ko sikhā.e

jo bole vo maarā jaa.e

ai 'mīrā-jī' aap ko to sab bhuul ga.e haiñ

aap yahāñ aur mujh jaise ma.atūb-e-zamāñ ko āḳhir ik-dam kyuuñ yaad aa.e

waqt ne puchha

kya tum mujh ko jaante ho

han

kya tum mujh ko mante ho

nan

kya matlab hai

kya matlab tha

waqt bhi chup hai

jaane wo kab kya bolega

aaj ki kitni baaton ko bhi

kaise kaise badalne wale

bante bante gham se KHushi se aur hairat se

apni aankhen malne wale

mizanon mein DanDi mar ke ya sachchai se taulega

aur phir main bhi chup na rahunga

lekin

jo is waqt mujhe bhi kahna lazim ho

wo kah na sakunga

shayad wo sab sah na sakunga

han bhai le is lamhe main tujh ko manta bhi hun

ab ye chhoD ki jaanta bhi hun

jo tu chahe aaj bata de

warna mujh ko abhi bhula de

kaun ab kya kya kis ko sikhae

jo bole wo mara jae

ai 'mira-ji' aap ko to sab bhul gae hain

aap yahan aur mujh jaise matub-e-zaman ko aaKHir ik-dam kyun yaad aae