jo mera tumhaara rishta hai

maiñ kyā likhūñ ki jo merā tumhārā rishta hai

vo āshiqī kī zabāñ meñ kahīñ bhī darj nahīñ

likhā gayā hai bahut lutf-e-vasl o dard-e-firāq

magar ye kaifiyat apnī raqam nahīñ hai kahīñ

ye apnā ishq-e-ham-āġhosh jis meñ hijr o visāl

ye apnā dard ki hai kab se hamdam-e-mah-o-sāl

is ishq-e-ḳhās ko har ek se chhupā.e hue

''guzar gayā hai zamāna gale lagā.e hue''

main kya likhun ki jo mera tumhaara rishta hai

wo aashiqi ki zaban mein kahin bhi darj nahin

likha gaya hai bahut lutf-e-wasl o dard-e-firaq

magar ye kaifiyat apni raqam nahin hai kahin

ye apna ishq-e-ham-aghosh jis mein hijr o visal

ye apna dard ki hai kab se hamdam-e-mah-o-sal

is ishq-e-KHas ko har ek se chhupae hue

guzar gaya hai zamana gale lagae hue