judai

yahāñ sab log kahte haiñ

judā.ī maut jaisī hai

ki zinda laash ho kar bas

bachī sāñseñ hī chaltī haiñ

ki jiinā bhuul jaatā hai

ye sāñseñ shor kartī haiñ

ye āñkheñ ḳhushk aur banjar

ki aañsū dil pe girte haiñ

ye saare log kahte haiñ

suno

ai chhoḌne vaale

yahī tum ne bhī jaanā thā

bichhaḌ ke jī na pā.ūñgī

tumhārā vahm thā saarā

faqat ye zo'm thā aur bas

maiñ bilkul pahle jaisī huuñ

tar-o-tāza haiñ din mere

mirī rāteñ sukūñ-āvar

na tum ye jaan paa.e ho

mohabbat naam kis kā hai

mohabbat meñ judā.ī kā

koī ma.anā nahīñ hotā

tumhāre saath meñ guzre

vo kuchh lamhe mohabbat ke

mire jiine ko kaafī haiñ

judā.ī maar dī maiñ ne

yahan sab log kahte hain

judai maut jaisi hai

ki zinda lash ho kar bas

bachi sansen hi chalti hain

ki jina bhul jata hai

ye sansen shor karti hain

ye aankhen KHushk aur banjar

ki aansu dil pe girte hain

ye sare log kahte hain

suno

ai chhoDne wale

yahi tum ne bhi jaana tha

bichhaD ke ji na paungi

tumhaara wahm tha sara

faqat ye zo'm tha aur bas

main bilkul pahle jaisi hun

tar-o-taza hain din mere

meri raaten sukun-awar

na tum ye jaan pae ho

mohabbat nam kis ka hai

mohabbat mein judai ka

koi mana nahin hota

tumhaare sath mein guzre

wo kuchh lamhe mohabbat ke

mere jine ko kafi hain

judai mar di main ne