kala suraj

kitne raushan āftāboñ ko nigal kar

kaalā sūraj

raushnī ke shahr meñ dāḳhil huā

saarī kaalī quvvatoñ ne

kaale sūraj ko uThāyā dosh par

ḳhud sabhī rāhoñ ko raushan kar ga.e

ḳhud-baḳhud saare makān o kār-ḳhāne jal uThe

ḳhud-baḳhud ġhul ho ga.e saare charāġh

be-gunāhoñ ke lahū ne rāste raushan kiye

aadmī kā kyā qusūr

raat bhar ye kaalā sūraj

har ujāle kā lahū piitā rahā

kūcha kūcha raqs farmātā rahā

giit jhūTī fat.h ke ye sub.h tak gaatā rahā

raushnī ke shahr meñ

kaale sūraj par ka.ī āshufta-sar vaare ga.e

aadmī kā kuchh na bigḌā devtā maare ga.e

kitne raushan aaftabon ko nigal kar

kala suraj

raushni ke shahr mein daKHil hua

sari kali quwwaton ne

kale suraj ko uThaya dosh par

KHud sabhi rahon ko raushan kar gae

KHud-baKHud sare makan o kar-KHane jal uThe

KHud-baKHud ghul ho gae sare charagh

be-gunahon ke lahu ne raste raushan kiye

aadmi ka kya qusur

raat bhar ye kala suraj

har ujale ka lahu pita raha

kucha kucha raqs farmata raha

git jhuTi fath ke ye subh tak gata raha

raushni ke shahr mein

kale suraj par kai aashufta-sar ware gae

aadmi ka kuchh na bigDa dewta mare gae