kanch ki guDiya

kāñch nāzuk haiñ ḳhvāb nāzuk haiñ

tum qadam soch kar idhar rakhnā

khelne kā tujhe hai shauq magar

in chaTānoñ pe bhī nazar rakhnā

tere dil meñ hai aarzū kī kiran

terī āñkhoñ meñ ḳhvāb haiñ kal ke

tere hāthoñ meñ rañg-e-titlī haiñ

tere chehre pe azm haiñ dahke

mere āñgan kī kāñch kī guḌiyā

apnī qismat kā imtihān na le

maiñ tujhe shaad dekhnā chāhūñ

to añdheroñ kā āsmān na le

dil pe biitī jo maiñ ne sah lī hai

ḳhaar rāhoñ se terī chun lūñgī

terī har ik ḳhushī aziiz mujhe

tujh ko sansār ik nayā dūñgī

merī guḌiyā magar ye kahtī hai

mujh ko duniyā to dekh lene do

kyā huā gar mujhe bhī zaḳhm mileñ

ġham-e-hastī kā vaar sahne do

kanch nazuk hain KHwab nazuk hain

tum qadam soch kar idhar rakhna

khelne ka tujhe hai shauq magar

in chaTanon pe bhi nazar rakhna

tere dil mein hai aarzu ki kiran

teri aankhon mein KHwab hain kal ke

tere hathon mein rang-e-titli hain

tere chehre pe azm hain dahke

mere aangan ki kanch ki guDiya

apni qismat ka imtihan na le

main tujhe shad dekhna chahun

to andheron ka aasman na le

dil pe biti jo main ne sah li hai

KHar rahon se teri chun lungi

teri har ek KHushi aziz mujhe

tujh ko sansar ek naya dungi

meri guDiya magar ye kahti hai

mujh ko duniya to dekh lene do

kya hua gar mujhe bhi zaKHm milen

gham-e-hasti ka war sahne do