kar-e-jahan daraaz hai

koī aisā shaġhl to ho ziist karne kā

jise vājib sā koī naam de deñ

ḳhvāh is meñ qissa-e-rañg-e-parīda kī

koī tamsīl DhūñDeñ yā kisī ik yaad ko

vo ism de deñ jo guzarte vaqt kā

koī bhalā unvān tai paa.e

koī misra.a kaheñ taaza jo apne aap meñ kāmil nazar aa.e

agar aisā nahīñ mumkin to koī qahqaha

lambā sā puurā qahqaha phir

ham kisī ik shaġhl meñ mashġhūl rahnā chāhte haiñ

koi aisa shaghl to ho zist karne ka

jise wajib sa koi nam de den

KHwah is mein qissa-e-rang-e-parida ki

koi tamsil DhunDen ya kisi ek yaad ko

wo ism de den jo guzarte waqt ka

koi bhala unwan tai pae

koi misra kahen taza jo apne aap mein kaamil nazar aae

agar aisa nahin mumkin to koi qahqaha

lamba sa pura qahqaha phir

hum kisi ek shaghl mein mashghul rahna chahte hain