kahan aa gai ho

chand saal us taraf

ham shanāsā nigāhoñ se bachte-bachāte

yahīñ par mile the

tumheñ yaad hai

kā.enāt ek Table ke chāroñ taraf ghūmtī thī

hameñ dekh kar kitne būḌhoñ kī āñkheñ

kisī yād-e-rafta meñ nam ho rahī thī

magar maiñ ne āñkhoñ meñ

apne liye aur tumhāre liye

machhliyoñ kī tarah tairte āñsuoñ meñ tamannā.eñ dekhīñ

mujhe yaad hai

jab kisī ajnabī mehrbāñ ne hameñ phuul bheje

to tum kitnī nervous huiiñ

jald hī ḳhauf, ḳhadshe havā ho ga.e

dūsrī tabloñ par bhī gul-daste hañsne lage

ab mohabbat kā maskan kahīñ aur hai

ye jagah ab zabāñ-band dushman kā muñh kholne ke liye hai

jahāñ apnī Table thī ab us jagah ek phandā lagā hai

kahāñ aa ga.ī ho mohabbat kā katba uThā.e hue

aao aage chaleñ

chand sal us taraf

hum shanasa nigahon se bachte-bachate

yahin par mile the

tumhein yaad hai

kaenat ek Table ke chaaron taraf ghumti thi

hamein dekh kar kitne buDhon ki aankhen

kisi yaad-e-rafta mein nam ho rahi thi

magar main ne aankhon mein

apne liye aur tumhaare liye

machhliyon ki tarah tairte aansuon mein tamannaen dekhin

mujhe yaad hai

jab kisi ajnabi mehrban ne hamein phul bheje

to tum kitni nerwous huin

jald hi KHauf, KHadshe hawa ho gae

dusri tablon par bhi gul-daste hansne lage

ab mohabbat ka maskan kahin aur hai

ye jagah ab zaban-band dushman ka munh kholne ke liye hai

jahan apni Table thi ab us jagah ek phanda laga hai

kahan aa gai ho mohabbat ka katba uThae hue

aao aage chalen