kaise

agar is zindagī ko

ek phuul

aur ek ḳhvāb

aur ek tum milte

to phir ye zindagī kā canvas rañgoñ se bhar jaatā

mayassar hai mujhe bhī

ek phuul

aur ek ḳhvāb

aur ek tum

lekin

kabhī tum saath hote ho

to phir vo phuul

merī dastaras hī meñ nahīñ hotā

kabhī vo phuul

merī uñgliyoñ kī por ko chhū kar

havā meñ raqs kartā hai

to saare ḳhvāb mujh se ruuTh jaate haiñ

kabhī rūThe hue ḳhvāboñ se maiñ

ham raqs hotā huuñ

to phir tum

titliyoñ ke rañg

un ke pañkh

aur un kī subuk pairāhnī se ruuTh kar

apne badan par

ajnabī bezār-pan kī ek chādar taan lete ho

maiñ kaise

titliyoñ ke pīchhe bhāgūñ

apne TuuTe ḳhvāb joḌoñ

aur phir

is ajnabī bezār-pan kī chādaroñ ko noch Dālūñ

maiñ kaise zindagī ke saare mausam saath rakkhūñ

agar is zindagi ko

ek phul

aur ek KHwab

aur ek tum milte

to phir ye zindagi ka canwas rangon se bhar jata

mayassar hai mujhe bhi

ek phul

aur ek KHwab

aur ek tum

lekin

kabhi tum sath hote ho

to phir wo phul

meri dastaras hi mein nahin hota

kabhi wo phul

meri ungliyon ki por ko chhu kar

hawa mein raqs karta hai

to sare KHwab mujh se ruTh jate hain

kabhi ruThe hue KHwabon se main

hum raqs hota hun

to phir tum

titliyon ke rang

un ke pankh

aur un ki subuk pairahni se ruTh kar

apne badan par

ajnabi bezar-pan ki ek chadar tan lete ho

main kaise

titliyon ke pichhe bhagun

apne TuTe KHwab joDon

aur phir

is ajnabi bezar-pan ki chadaron ko noch Dalun

main kaise zindagi ke sare mausam sath rakkhun