kal humne sapna dekha hai

kal ham ne sapnā dekhā hai

jo apnā ho nahīñ saktā hai

us shaḳhs ko apnā dekhā hai

vo shaḳhs ki jis kī ḳhātir ham

is des phireñ us des phireñ

jogī kā banā kar bhes phireñ

chāhat ke nirāle giit likheñ

jī mohne vaale giit likheñ

dhartī ke mahakte bāġhoñ se

kaliyoñ kī jholī bhar laa.eñ

ambar ke sajīle manDal se

tāroñ kī Dolī bhar laa.eñ

haañ kis ke liye sab us ke liye

vo jis ke lab par Tesū haiñ

vo jis ke naināñ aahū haiñ

jo ḳhaar bhī hai aur ḳhushbū bhī

jo dard bhī hai aur daarū bhī

vo allhaḌ sī vo chanchal sī

vo shā.er sī vo pāgal sī

log āp-hī-āp samajh jaa.eñ

ham naam na us kā batlā.eñ

ai dekhne vaalo tum ne bhī

us naar kī piit kī āñchoñ meñ

is dil kā tiinā dekhā hai?

kal ham ne sapnā dekhā hai

kal hum ne sapna dekha hai

jo apna ho nahin sakta hai

us shaKHs ko apna dekha hai

wo shaKHs ki jis ki KHatir hum

is des phiren us des phiren

jogi ka bana kar bhes phiren

chahat ke nirale git likhen

ji mohne wale git likhen

dharti ke mahakte baghon se

kaliyon ki jholi bhar laen

ambar ke sajile manDal se

taron ki Doli bhar laen

han kis ke liye sab us ke liye

wo jis ke lab par Tesu hain

wo jis ke nainan aahu hain

jo KHar bhi hai aur KHushbu bhi

jo dard bhi hai aur daru bhi

wo allhaD si wo chanchal si

wo shaer si wo pagal si

log aap-hi-ap samajh jaen

hum nam na us ka batlaen

ai dekhne walo tum ne bhi

us nar ki pit ki aanchon mein

is dil ka tina dekha hai?

kal hum ne sapna dekha hai