kal jab tariKH raqam hogi
kal jab tārīḳh raqam hogī
aur itihās likhā jā.egā
in par charchā lāzim hogī
in par harf zarūr aa.egā
bike hue ye T v anchor
bhuul sahāfat kī sab qadreñ
āqāoñ ke kahe mutābiq
ghaḌte haiñ jo jhūTī ḳhabareñ
aaj baḌe ma.arūf sahī par
kal in par thūkā jā.egā
in par charchā lāzim hogī
in par harf zarūr aa.egā
jo baiTh adl kī masnad par
har hukm bajā.eñ hākim kā
aur kareñ faisle dekh kar
bas rutba tabqa mujrim kā
ye aaj haiñ ahl-e-sharf bhale
kal in ko kosā jā.egā
in par charchā lāzim hogī
in par harf zarūr aa.egā
kal jab tariKH raqam hogi
aur itihas likha jaega
in par charcha lazim hogi
in par harf zarur aaega
bike hue ye T w anchor
bhul sahafat ki sab qadren
aaqaon ke kahe mutabiq
ghaDte hain jo jhuTi KHabaren
aaj baDe maruf sahi par
kal in par thuka jaega
in par charcha lazim hogi
in par harf zarur aaega
jo baiTh adl ki masnad par
har hukm bajaen hakim ka
aur karen faisle dekh kar
bas rutba tabqa mujrim ka
ye aaj hain ahl-e-sharf bhale
kal in ko kosa jaega
in par charcha lazim hogi
in par harf zarur aaega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
